Грамадства22

«Сёння мы жывем у культурным грамадстве». Чаму гаспадар незвычайнай крамы самаабслугоўвання на Палессі не баіцца крадзяжоў

У вёсцы Ракітна Лунінецкага раёна працуе незвычайная крама самаабслугоўвання, якую нядаўна праславілі тыктокеры. Людзі тут самі выбіраюць гародніну, пакідаюць грошы, а калі трэба, то і бяруць рэшту — без камер, касіраў і аховы. Галоўнае тут — давер. І, што дзіўна, ніхто нічога не крадзе, а купцы пакідаюць толькі добрыя водгукі. Sb.by з'ездзіла ў гэту вёску і даведалася, каму да галавы прыйшла такая ідэя. 

Фота: Sb.by

Арганізавалі гэты гандлёвы пункт мясцовы жыхар Юрый Караваевіч і ягоная жонка. Яны больш за 20 гадоў вырошчваюць гародніну. Раней збывалі прадукцыю ў аб'екты грамадскага харчавання, але калі попыт скараціўся, пачалі прадаваць лішкі ўсім ахвотным.

@brestnovosti1 Полесский магазин без продавца стал известен на всю Беларусь #лунинец #лунинецкийрайон #брест #брестскаяобласть #брестбеларусь ♬ Oblivion NPC - Brandon

Юрый Караваевіч. Фота: Sb.by

Людзі часта заходзілі дадому, перашкаджалі працаваць — таму хтосьці з купцоў прапанаваў: «Пакідайце гародніну на лаўцы, мы самі возьмем і пакінем грошы». Пазней Юрый пабудаваў просты крыты ларок з вагамі і скрыняй для аплаты.

У краме пануюць простыя правілы: выбраў, ўзважыў, пакінуў грошы — або перавёў на рахунак, калі без наяўных. Цэны вельмі даступныя: памідоры — па 5,5 рубля за кілаграм, агуркі — па 3, бульба — 1,7. А на сценах — наклейкі з добрымі словамі: «Дзякуй за давер!», «Прывітанне з Калінінграда!», «Найсмачнейшыя памідоры!»

Юрый кажа, што не баіцца крадзяжоў:

«У гэтай крамцы ўсё заснавана на даверы да людзей. Гэта ў 90-я было страшна ровар пакінуць без нагляду ‑— хтосьці б яго сабе хутка «прыватызаваў». А сёння мы жывем у культурным грамадстве, дзе ўсе паважаюць адзін аднаго. У нашай вёсцы хоць што пакінь на бачным месцы — нікому чужога не трэба».

Мясцовыя жыхары падтрымліваюць ініцыятыву, а іх сваякі з-за мяжы здзіўляюцца, што такая крама працуе без кантролю.

Фота: Sb.by

Пенсіянерка з суседняга дома, Вольга Грышко, кажа, што сюды прыязджалі людзі з Жодзіна, Калінінграда і Санкт-Пецярбурга. У выхадныя тут поўна людзей, а ў Юры, маўляў, гародніна нават смачнейшая, чым з уласнага агарода.

Каментары2

  • Добра!
    26.07.2025
    У Амэрыццы такія крамы маюць шмат якія фэрмеры паўсюль.
  • Эд
    27.07.2025
    Добра!, у Швейцарыi так сама ёсць

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць