Расія ўпершыню ў сваёй гісторыі вядзе вайну, не маючы ніводнага саюзніка, заявіў у панядзелак міністр замежных спраў РФ Сяргей Лаўроў.
«Расія ваюе адна супраць усяго Захаду. У Першую сусветную, у Другую сусветную ў нас былі саюзнікі. Цяпер у нас саюзнікаў на полі бою няма. Таму спадзявацца трэба на сябе. Нельга дапускаць ні слабасці, ні слабіны», — сказаў Лаўроў, выступаючы на форуме «Тэрыторыя сэнсу», піша The Moscow Times.
Еўропа, якая гістарычна выконвала ролю галоўнага гандлёвага партнёра Расіі, паводле міністра, «азвярэла», а ЗША страцілі «павагу» да Крамля, чаго не было нават у эпоху Халоднай вайны.
«Падчас халоднай вайны дыялог ніколі не перапыняўся паміж СССР і ЗША, і што яшчэ вельмі важна, як мне здаецца, адзначыць — гэта тое, што ў халодную вайну было ўзаемнае стаўленне з павагай. Зараз яго няма», — сказаў Лаўроў.
Ён дадаў, што Расія працягвае настойваць на тым, што лічыць сваімі «законнымі патрабаваннямі» ў справе забеспячэння бяспекі. Сярод іх — неўступленне Украіны ў НАТА, адмова ад пашырэння альянсу на ўсход, а таксама прызнанне «рэалій на зямлі» — то бок анексіі акупаваных украінскіх тэрыторый.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары