Жыхар Вільні сцвяржае, што зняў панядзелкавы дрон на паўночным захадзе сталіцы
У панядзелак раніцай, як мяркуецца, на тэрыторыю Літвы з Беларусі заляцеў дрон. Аднак ён так і не быў знойдзены.
Камандарм Літвы Раймундас Вайкшнорас у аўторак заявіў, што правяраюцца ўсе магчымыя варыянты, уключаючы версію, што ніякі аб’ект у Літву не залятаў, што гэта фэйк.
Паводле слоў камандарма, ёсць падазрэнні, што відэа, якія распаўсюджваюцца, насамрэч былі знятыя ва Украіне. Аднак Delfi атрымала адно з відэа, на якім бачны дрон, зафіксаваны ў сталіцы, у мікрараёне Фабіёнішкі на паўночным захадзе сталіцы Літвы. Аўтэнтычнасць іншага відэа, якое было зроблена ў Пашылайчаі, ужо даказаная аналітыкамі OSINT.
Delfi пагаварыла з адным з відавочцаў, Лукасам, які падзяліўся відэа ў сацыяльных сетках. Ён быў абураны заявамі камандарма, сказаў, што не мае падстаў для распаўсюджвання фэйкаў, бо сам працуе ў дзяржаўнай установе.
«Дэпартамент пажарнай бяспекі і выратавання рассылае паведамленне: «паведамляе пра беспілотнік, які <…> раніцай заляцеў з Беларусі ў Літву». (Паведамленне) узгоднена з рознымі ведамствамі, і раптам кажуць, што нічога не залятала. <…> Я не магу праверыць гэтыя даныя. <…> Я падзяліўся відэа ў сацсетках, перадаў яго паліцыі і LT72. Я магу смела сказаць — я не фальсіфікую відэа, я сам працую ў дзяржведамстве. Мне здаецца, што ўсе ўжо самі заблыталіся ў створаных гісторыях. <…> Мая пазіцыя трывалая, ёсць яшчэ адно відэа з Пашылайчаі, у ЕЦП паступіла больш за 30 званкоў. Спецыялісты павінны высветліць, хто і адкуль званіў», — сказаў вілянчук.
Different angle of the Russian/Belarusian UAV that entered Lithuanian airspace from Belarus in the early morning today. The video was taken in Pašilaičiai, a densely populated suburb of Vilnius. pic.twitter.com/pwXvJQs5vc
Дрон у Пашылайчай
«Разведка па адкрытых крыніцах (OSINT) даказала, што ў Літву заляцеў варожы дрон. Следчыя OSINT знайшлі відэа з Пашылайчай (раён па паўночным захадзе Вільні, там бачны і дрон, і раён Пашылайчай. Геалакацыя — адзін з надзейных метадаў разведкі па адкрытых крыніцах, яна дазваляе пацвердзіць лакацыю, месца, дзе было зроблена відэа», — пішуць аналітыкі OSINT.
Лукас перадаў паліцыі відэа яшчэ ў панядзелак зранку. Да гэтага часу з ім ніхто не звязаўся.
«Са мной ніхто не звязваўся. Але я даслаў відэа паліцыі і на фэйсбук LT72. Прасіў перадаць адказным асобам. Спадзяюся, так і зрабілі», — адзначыў ён.
Цяпер чытаюць
18‑гадовага хлопца абвінавацілі ў адмаўленні генацыду беларускага народа14
Каментары