У першай палове чэрвеня стала вядома, што Нацыянальны акадэмічны тэатр оперы і балета Беларусі плануе ў жніўні выступіць у акупаваным Крыме. Цяпер высветлілася, што мінскі калектыў у Крым усё ж такі не паедзе — і, відаць, менавіта абнародаванне праблемы прывяло да адмены скандальных гастроляў, піша «Люстэрка».
Гастролі балетнай трупы тэатра былі запланаваныя на другую дэкаду жніўня гэтага года. Беларусы пад кіраўніцтвам расійскага дырыжора Арцёма Макарава, які з 2025 года стаў мастацкім кіраўніком калектыву, планавалі прывезці ў Севастопаль балет «Жызэль».
Мінскі тэатр сапраўды чакалі ў акупаваным Крыме. Дырэктар дзяржаўнага гістарычна-археалагічнага музея-запаведніка «Херсонес Таўрыцкі» Алена Марозава паведаміла, што ў Севастопалі на Міжнародным фестывалі оперы і балета «Херсонес» у гэтым годзе плануецца выступленне артыстаў Тэатра оперы і балета Беларусі.
Сёння, 30 ліпеня, з’явілася праграма гэтага фестывалю, які адбудзецца з 5 па 16 жніўня. Запланаваныя танцавальныя канцэрты ансамбля імя Майсеева, а таксама спектаклі мясцовага Севастопальскага тэатра оперы і балета. Беларусаў у афішы няма.
Па інфармацыі «Люстэрка», адмова ад паездкі выклікана якраз рэзанансам, які ўзнік пасля публікацыі. Тым больш што калектыў, як казаў адзін з суразмоўцаў, быў «у асноўным супраць» паездкі ў Крым. Нягледзячы на ціск на артыстаў, у тым ліку намёкі на праблемы ў далейшай кар’еры, нямала людзей напісала адмову, у прыватнасці ў аркестры.
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
-
У Мінску адкрыўся філіял Нацыянальнага мастацкага музея
-
Раман аўтара бестселераў Джона Грына выйдзе па-беларуску ў дзень сусветнай прэм’еры
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары