Лукашэнка кажа, што прапаноўваў Захаду «перадаць некалькі тысяч» палітвязняў
Аляксандр Лукашэнка паўтарыў сваю ўмову: вызваляць людзей ён гатовы, толькі калі яны адразу пакінуць Беларусь.
Аляксандр Лукашэнка, 26 студзеня 2025 Ali Cura Anadolu via Getty Images
«Калі мы кагосьці вызваляем, умова адна, хто б мяне пра гэта ні прасіў (у асноўным амерыканцы): хочаце — калі ласка, забірайце, вывозьце», — заявіў Аляксандр Лукашэнка на нарадзе 31 ліпеня.
Аляксандр Лукашэнка адзначыў, што прапаноўваў, калі захоча «той бок», перадаць і «некалькі тысяч» палітзняволеных: «Я ім у апошні раз сказаў: «Хочаце — мы вам і гэтых дадамо». — «Не, не, не, гэтых не хочам, хочам вось гэтых».
«Вазьміце, апошняга зняволенага — вызвалілі. Ну вы ж яго прасілі. І я сваёй рукой памілаваў яго. І адзін гэты ўзбударажыў усю там тую «маліну». Ну вы ж прасілі яго. Ну дык бярыце», — сказаў Лукашэнка.
Каментары
'абы захапіць уладу' ну это уже уберлицемерие с его стороны.