«Проста ім не спадабалася яе карціна». Сталі вядомыя падрабязнасці затрымання мастачкі Людмілы Шчамялёвай
Іх распавяла жанчына, што была з Людмілай у ІЧУ, піша «Вясна».
«Яна распавядала, што спачатку сілавікі прыйшлі з ператрусам да мужчыны, у якога вісела яе карціна. Яна была без БЧБ, не пратэсная, але проста ім не спадабалася. Таму яны прыйшлі з ператрусам да Людмілы і яе мужа Ігара Рымашэўскага. З іх зрабілі экстрэмісцкую суполку і выставілі абвінавачванне паводле таго ж арт. 357».
Людміла Шчамялёва — вядомая мастачка, удзельніца нацыянальных, міжнародных і персанальных выстаў. Яе работы знаходзяцца ў Нацыянальным мастацкім музеі Рэспублікі Беларусь, галерэі Webkunsthaus ФРГ, прыватных калекцыях па ўсім свеце. Людмілу затрымалі разам з мужам мінулай восенню.
Каментары
Сістэма рухаецца ў бок таталітарызму, "1984", "думказлачынстваў".
P.S. У артыкуле не хапае кантэксту пра іх затрыманне і карціны:
https://nashaniva.com/354150
https://nashaniva.com/356333
Імем бацькі Людмілы, таксама мастака Леаніда Шчамялёва нядаўна назвалі новую вуліцу ў "Паўночным Беразе" Мінска.