Падчас археалагічных даследаванняў на Малым гарадзішчы на рацэ Менка была зроблена адна з найважнейшых знаходак за ўвесь час раскопак у гэтым месцы. Упрыгажэнні, якія лічыліся прывазнымі, аказалася мясцовымі вырабамі.
Знаходка, якая змяняе ўяўленні пра жыццё летапіснага Менска, была зроблена ў панядзелак, 4 жніўня, паведамляе «Беларусь сегодня».
Каменная ліцейная форма X—XI стагоддзяў, якая захавалася ў вельмі добрым стане, знойдзена на тэрыторыі археалагічна комплексу ўпершыню.
«Гэта адна з найважнейшых знаходак за ўвесь час раскопак. Яна сведчыць пра тое, што тыя ўпрыгажэнні, трапецыяпадобныя падвескі, якія мы раней лічылі прывазнымі, то-бок імпартнымі, маглі вырабляцца тут. Гэта даказвае, што ўжо ў тыя часы ў горадзе на Менцы поўным ходам ішла вытворчасць ювелірных упрыгажэнняў.
У мінулым годзе была знойдзена падвеска, якую мы аднеслі да прывазных. Гэтую версію варта перагледзець», — тлумачыць Андрэй Вайцяховіч, кіраўнік археалагічнай экспедыцыі, загадчык аддзела археалогіі Сярэднявечча і Новага часу Інстытута гісторыі Нацыянальнай акадэміі навук.
Спецыялісты збіраюцца даследаваць ліцейную форму на прадмет мікрачасціц, каб даведацца, з якімі каштоўнымі металамі працавалі старажытныя ювелірныя майстры.
На Беларусі ў перыяд IX—XI стагоддзяў, на які прыпадае з'яўленне горада на Менцы, пераважаюць гліняныя ліцейныя формы, выкананыя па васковых мадэлях, з аднабаковай прафілёўкай. У XI стагоддзі ўжывалі таксама пляскатыя двухбаковыя гліняныя формы.
Выраб ліцейных формаў з каменю патрабаваў ад рэзчыка высокага майстэрства, асабліва ў дапасаванні плоскасцей двухбаковых форм. Каменныя формы выкарыстоўвалі для ліцця тэхнікай «навыплеск», пры якой незастылая маса лілася вонкі, што дазваляла атрымаць аблегчаныя пустацелыя выявы звяроў, птушак, імітацыі зерні, скані. Ліцейныя формы знойдзены пры раскопках у Ваўкавыску, Гродне, Мінску, Навагрудку, Тураве і Полацку, дзе колькасць знаходак перавышае два дзясяткі.
«Наша Нiва» — бастыён беларушчыны
ПАДТРЫМАЦЬНа захадзе Польшчы знайшлі артэфакт, падобны да таго, што нарабіў шуму пры раскопках гарадзішча на Менцы
На гарадзішчы на Менцы знайшлі фрагмент амфары з рунай
Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам
Каб пабачыць старажытны Менск, трэба ехаць у Германію? Чаму на Захадзе па-іншаму глядзяць на славянскія крэпасці
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся11
Каментары
Ужо баюся, што самому сабе: самога сябе пераконваеце і пераконваеце.