На eBay з'явілася аб'ява пра продаж рэдкай беларускай залатой манеты з серыі «Зімовыя віды спорту. Фрыстайл». Цана яе немаленькая — 2750 даляраў, заўважыў «Смартпрэс».
Як паведамляе прадавец, да манеты прыкладаецца сертыфікат сапраўднасці. У ім пазначана, што вага манеты — 7,78 грама, а якасць выканання — «пруф», што лічыцца найвышэйшым стандартам у нумізматыцы.
Паводле даных Нацбанка Беларусі, у 2018 годзе такая манета прадавалася па 990 рублёў (прыкладна 470 даляраў па курсе на той час). Цяпер жа ў продажы ў Нацбанка іх ужо няма, таму купіць па старой цане немагчыма.
Нумізмат Сяргей Колбун пацвердзіў, што цана ў 2750 долараў абгрунтаваная. Па яго словах, у самой манеце золата прыкладна на 900 даляраў, а астатняя частка кошту набягае з-за вельмі малога тыражу (усяго 350 штук), мастацкай каштоўнасці і цікавасці з боку калекцыянераў.
Спецыяліст адзначыў:
«Манета сапраўды класная і вартая гэтых грошай».
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары