Грамадства1515

На АНТ заявілі, што Латушка ў канцы ліпеня 2020 нібыта хацеў спаліць штаб Ціханоўскай. Латушка адказаў на гэта

У сюжэце АНТ прапаганда сцвярджае, што Павел Латушка нібыта хацеў спаліць штаб Ціханоўскай. Расказваецца, што нібыта ў канцы ліпеня 2020 года Латушка сустракаўся пад Мінскам з Аляксандрам Гусаком — былым сілавіком, які пасля звальнення з органаў працаваў намеснікам кіраўніка ў Беларускім моладзевым тэатры, а ў 2020-м стаў валанцёрам пры штабе Бабарыкі, каб дапамагаць з аховай.

Скрыншот АНТ

Гусак у сюжэце заявіў, што на той сустрэчы Латушка крытыкаваў Ціханоўскую і «фактычна прапанаваў спаліць штаб». У кадры са спіны немагчыма зразумець, з кім размаўляе Гусак у густых зараслях.

Прапаганда таксама апублікавала запіс размоў, сцвярджаючы, што на іх голас Латушкі. На іх абмяркоўваецца, што калі адбудзецца нейкая правакацыя, то Лукашэнку знясуць.

Варта адзначыць, што ў ліпені 2020 года Павел Латушка быў гендырэктарам Купалаўскага тэатра і яшчэ не далучыўся адкрыта да апазіцыі. Спыніць гвалт на вуліцах калектыў тэатра разам з Латушкам патрабаваў 13 жніўня 2020 года, звольнены Латушка быў 17 жніўня. А ў Каардынацыйную раду ўвайшоў 18 жніўня. То-бок на некалькі тыдняў пазней пасля апісанай прапагандай гісторыі.

Кіраўнік Народнага антыкрызіснага ўпраўлення Павел Латушка ў каментары «Нашай Ніве» адказвае пра Гусака:

«Не сустракаўся, не мой голас і, вядома, нічога падобнага не тое што не мог рыхтаваць, але і абмяркоўваць».

Сюжэт АНТ Латушка называе лухтой.

«Лукашэнка ж гэтую лухту сам выдумаў і паставіў задачу даказаць што 1+1=3.

І ён жа ўзгадніў выхад гэтага сюжэту, рэальна лічачы, што гэта «бамбішча». Проста «геній» піяру.

Гэта тэлеспектакль для аднаго гледача. Як былы генеральны дырэктар Нацыянальнага акадэмічнага тэатра імя Янкі Купалы стаўлю гэтай пастаноўцы «0». Зусім без агеньчыка».

Палітык дадае, што Лукашэнка ўсю краіну ператварае ў адну вялікую фантазію.

«Які там зноў год для вас ён прызначыў? Год вар'яцтва?» — пытаецца Латушка ў чыноўнікаў і прапагандыстаў.

«Учора адразу пасля дэманстрацыі фільма і сёння ў 5 раніцы я атрымаў дзве пагрозы фізічнага гвалту і забойства з тых жа крыніц і па той жа схеме, як перад нападам у Варшаўскім універсітэце.

У мяне няма сумневаў, што гэта спецаперацыя КДБ інфармацыйнага, прапагандысцкага і сілавога характару, якая распачатая публічна 1 ліпеня гэтага года і санкцыянаваная асабіста дыктатарам Лукашэнкам», — пракаментаваў Павел Латушка.

Каментары15

  • Лёлік з-пад Лімасола
    07.08.2025
    А чаго хацела большасць беларусаў у жніўні 20га года, не казалі там?
    маё меркаванне, тая энергія, той "зарад бодрасці", які людзі атрымалі ў тыя часы не былі прыдушаны рэпрэсіямі, гвалтам і запужваннем, а перайшла ў патэнцыйную энергію! усё яшчэ будзе!
    Будуць яшчэ верталёты да растова, прыватныя рэйсы уначы ў дубаі і тд
  • Андрон
    07.08.2025
    Ну Латушко! Волк в овечьей шкуре 😂 ! Прошу не давать ему спички
  • Шэдэўр
    07.08.2025
    Такога ўзроўню аператыўнай інфармацыі мы не мелі ад часоў Майкла і Ніка

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць