Мільянер, які гадамі забіваў дзікіх жывёл, загінуў на паляванні: яго працяў рагамі буйвал
У Паўднёвай Афрыцы гэтых жывёл называюць «чорная смерць». Ён нёсся на мільянера з хуткасцю 50 км/г.
Амерыканскі мільянер і зацяты паляўнічы Ашэр Уоткінс загінуў у Паўднёвай Афрыцы падчас сафары: падчас палявання на буйвала жывёла раптоўна напала на 52-гадовага мужчыну і нанесла яму смяротны ўдар сваімі масіўнымі рагамі, піша Bild.
Паляўнічы тур, падчас якога адбылася трагедыя, каштаваў некалькі тысяч еўра. Уоткінс быў пастаянным кліентам і любіў фатаграфавацца з забітай здабычай: на яго старонцы ў Facebook размешчаны дзясяткі здымкаў, дзе ён пазіруе над жывёламі з вінтоўкай. На адным са здымкаў ён нават трымае мёртвую пуму — у некаторых рэгіёнах гэты від знаходзіцца пад пагрозай знікнення.
У правінцыі Лімпапо Уоткінс разам з прафесійным паляўнічым хацеў здабыць кафрскага буйвала.
У Паўднёвай Афрыцы гэтых жывёл называюць «чорная смерць»: яны важаць да паўтары тоны і адрозніваюцца даволі агрэсіўнымі паводзінамі. Іх адзіныя натуральныя ворагі ў саване — гэта львы і людзі. Паводле дадзеных арганізатара сафары, кафрскі буйвал штогод становіцца прычынай гібелі некалькіх паляўнічых і лічыцца самай небяспечнай жывёлай Афрыкі.
Як паведамляюць СМІ, такі буйвал нёсся на Уоткінса з хуткасцю каля 50 км/г, а затым насмерць прабіў яго рагамі. На паляванні з Уоткінсам таксама былі яго маці, брат і айчым.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары