У Мінску прадаецца марожанае па 100 рублёў. Няўжо яго сапраўды прывозяць з КНДР?
Чытачы Onliner.by заўважылі ў краме незвычайнае марожанае — падобнае на фруктовы лёд, каштуе нятанна, а на цэнніку напісана, што яно з КНДР. Ці так гэта насамрэч?
Вось якія ёсць фота: у полі «вытворца» на цэнніку пазначана «Карэя. Народна-Дэмакратыч. Рэсп.».
Такое марожанае сапраўды можна знайсці ў крамах. Але цэннік надрукавалі з памылкай — Lotte — гэта паўднёвакарэйская карпарацыя, якая ніякага дачынення да КНДР не мае. На самой упакоўцы таксама ёсць інфармацыя, што марожанае вырабілі ў Рэспубліцы Карэя.
Як патлумачылі прадстаўнікі гандлю, такое марожанае можна знайсці ва многіх сетках і называць яго навінкай складана, «яго імпартуюць ужо дакладна два ці тры гады». Часам сустракаюцца нязвыклыя для беларусаў смакавыя варыянты — у крамах можна знайсці марожанае Lotte з кукурузай.
Паўднёвакарэйскае марожанае каштуе ад 4,9 да 9,3 рубля за ўпакоўку, і на яго радзіме парадак цэн супастаўны.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары