Прэзідэнт Украіны Уладзімір Зяленскі 11 жніўня заявіў, што расійскія войскі не толькі не рыхтуюцца да спынення агню, а якраз наадварот — перамяшчаюцца для пачатку новых наступальных аперацый, піша «Украінская праўда».
Паводле слоў Уладзіміра Зяленскага, украінская разведка і вайсковае камандаванне не маюць ніякіх звестак пра тое, што Расія атрымала сігналы рыхтавацца да пасляваеннай сітуацыі. Замест гэтага Крэмль працягвае ваенную падрыхтоўку, а Уладзімір Пуцін імкнецца прадставіць магчымую сустрэчу з ЗША як сваю асабістую перамогу і надалей аказваць ціск на Украіну.
«У прыватнасці, гэта і падрыхтоўка ваенная. Ён дакладна не рыхтуецца да спынення агню і вайны. Пуцін настроены толькі на тое, каб падаць сустрэчу з Амерыкай як сваю асабістую перамогу і далей працягваць дзейнічаць так, як і раней, ціснуць на Украіну так, як і раней.
Ніякіх прыкмет, што расіяне атрымалі сігналы рыхтавацца да пасляваеннай сітуацыі, пакуль няма. Наадварот, яны перамяшчаюць свае войскі і сілы такім чынам, каб пачаць новыя наступальныя аперацыі», — заявіў прэзідэнт Украіны.
Зяленскі падкрэсліў, што Украіна працягвае інфармаваць міжнародных партнёраў пра рэальны стан спраў на фронце, у дыпламатыі і ў планах Расіі адносна далейшых дзеянняў.
Еўрапейскія лідары абмяркуюць з Трампам магчымы ўдзел Зяленскага ў перамовах на Алясцы
Трамп на перамовах з Пуціным пастараецца вярнуць Украіне частку акупаваных тэрыторый
Чаму менавіта Аляску абралі для саміту Трампа і Пуціна па Украіне
Віцэ-прэзідэнт ЗША выказаўся пра магчымую сустрэчу Пуціна, Зяленскага і Трампа
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары