Праз санкцыі расійскай дэлегацыі давялося на Алясцы аплачваць паліва для самалётаў гатоўкай. А гэта сотні тысяч даляраў
Дзяржсакратар ЗША Марка Рубіа распавёў на канале NBC, што праз санкцыі расійская дэлегацыя павінна была ляцець у ЗША з вялікай колькасцю наяўных грошай.
«Калі расейцы прызямліліся на Алясцы, каб заправіцца палівам, ім давялося плаціць гатоўкай, бо яны не могуць выкарыстоўваць нашу банкаўскую сістэму. Яны павінны кожны дзень разлічваць на наступствы», — сказаў Рубіа.
Самалёт Пуціна мае ўмяшчальнасць 152 620 літраў, піша BILD. Згодна з Jet Fuel Price Monitor Міжнароднай асацыяцыі паветранага транспарту (IATA), цана за галон авіяпаліва (каля 3,8 літра) у апошні час складала каля 2,10 даляра ЗША.
Значыць, за адзін самалёт Расія заплаціла, імаверна, блізу 85 000 даляраў.
Пры гэтым, на прыкладзе гэтай дэталі, Рубіа падкрэсліў: на яго думку, санкцыі не мяняюць ход вайны ва Украіне.
«Гэта не значыць, што гэтыя санкцыі неадэкватныя — гэта значыць толькі тое, што яны не паўплывалі на зыход вайны», — дадаў ён.
Прэзідэнт ЗША Трамп неаднаразова пагражаў увесці новыя санкцыі, калі Пуцін не пагодзіцца на мірнае пагадненне, але пакуль што гэта заставалася толькі пагрозамі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары