У Мінску бяспраўнікаў ловяць па камерах. Нават тых, хто едзе з маскай на твары
Яшчэ камеры фіксуюць тых, хто карыстаецца тэлефонам за рулём або не прапускае пешаходаў на пераходах.
ДАІ стварыла базу даных з прыблізна 4 тысяч мінчукоў, якім нельга садзіцца за руль. Праграмнае забеспячэнне ў рэжыме анлайн паведамляе супрацоўнікам пра тое, што нейкая з камер заўважыла аўто чалавека з базы. Затым праваахоўнікі правяраюць, хто менавіта кіраваў транспартным сродкам, бо гэта мог бы быць знаёмы ўладальніка, уключанага ў спіс.
Калі за руль вырашыў сесці сам уласнік без правоў, да яго накіроўваюць найбліжэйшы экіпаж ДАІ. Гаворка ідзе не пра тэарэтычны спосаб выяўлення нядобрасумленных кіроўцаў, а пра метад, які выкарыстоўваецца на практыцы, піша агенцтва «Мінск-Навіны».
Якасць карцінкі з камер дазваляе разабраць і нумары машын, і твары сядзячых за рулём. Некаторыя парушальнікі выкарыстоўваюць розныя хітрыкі: спрабуюць закрыць твар маскай, пешшу ідуць на АЗС з каністрай. Але даішнікі спрабуюць змагацца з такімі хітрыкамі.
Калі такі парушальнік трапіўся ўпершыню на працягу года, яго могуць аштрафаваць на 5—20 базавых велічынь (210—840 рублёў). У выпадку паўторнага парушэння дыяпазон спагнання павялічваецца да 20—50 базавых велічынь (максімум — 2 100 рублёў) або ўжываецца альтэрнатыўнае пакаранне ў выглядзе грамадскіх работ альбо адміністрацыйнага арышту.
Не застаюцца без увагі і іншыя парушэнні, уключаючы дапушчаныя пешаходамі і самакатчыкамі. Акрамя таго, камеры дапамагаюць выяўляць праблемныя месцы на вулічна-дарожнай сетцы і карэктаваць арганізацыю руху, працу святлафораў, маршруты патрулявання экіпажаў ДАІ.
Плануецца ўкараняць праграмныя комплексы для фіксацыі парушэнняў у аўтаматычным рэжыме. У іх ліку сітуацыі, калі кіроўцы не саступаюць дарогу пешаходам, ігнаруюць разметку, карыстаюцца тэлефонам за рулём. А ўжо ў гэтым месяцы на некалькіх буйных скрыжаваннях рэалізуюць аўтафіксацыю фактаў праезду на чырвонае святло. Яшчэ ў горадзе неўзабаве стане больш камер, якія рэгіструюць выпадкі спынення і стаянкі транспарту там, дзе гэтага нельга рабіць.
-
Пахаваць законна свайго хатняга любімца ў Беларусі можна толькі ў жывёльны могільнік. Парушэнне закону выглядае больш маральна прымальным для многіх
-
Калеснікава: Вайна, якую пачала Расія, не проста супраць Украіны. Гэта вайна супраць еўрапейскіх каштоўнасцяў
-
Што цяпер з італьянскімі візамі? Масавыя адмовы? Турфірмы называюць альтэрнатыву
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары