Замест двух сутак — 8-9 гадзін. Што чакае пасажыраў аўтобусаў на межах з Еўрасаюзам
Сэрвіс продажу квіткоў Atlas расказаў у сваім тэлеграм-канале, якая цяпер сітуацыя на межах Беларусі з краінамі Еўрасаюза пры перасячэнні іх аўтобусамі. Яна палепшылася ў параўнанні з тым, што было раней, але зусім добрай яе ўсё ж такі таксама не назавеш.
Польшча
На мінулым тыдні на мяжы ў Брэсце сітуацыя была крытычная: кіроўцы аўто стаялі ў чарзе па некалькі дзён, а аўтобусы — больш за 150 у чарзе — чакалі па двое сутак.
Цяпер сітуацыя палепшылася: у чарзе каля 20 аўтобусаў, і многія з іх наўмысна не спяшаюцца, пакуль дабіраюць пасажыраў. У выніку сярэдні час чакання скараціўся да 8—9 гадзін. Расклад збояў амаль не мае, таму паездкі можна планаваць больш прадказальна.
Літва
На літоўскім кірунку сур’ёзных чаргаў няма, аўтобусы ідуць па раскладзе. Але колькасць рэйсаў у жніўні паменшылася, асабліва з Мінска ў Вільню. Некаторыя перавозчыкі адмянілі частку паездак. Пры гэтым з’яўляюцца і новыя маршруты: з 1 верасня адкрываецца рэйс з Гродна ў Вільню (выезд у 03:00, прыбыццё ў 08:25; зваротны рэйс — у 18:25).
Кошт квіткоў
На польскім напрамку праблем з квіткамі няма, цэны засталіся ранейшымі.
На Вільню попыт значна вырас, таму білеты раскупляюцца за 2 тыдні наперад. У зваротным напрамку (асабліва з Гродна і Ліды) білеты дастаць прасцей.
У сеціве з’явіліся чуткі, што цэны падскочылі да 600 рублёў замест звыклых 180—200. Але гэта тлумачыцца толькі тым, што некаторыя людзі куплялі квіткі праз пасярэдніцкія сэрвісы з дадатковымі зборамі.
«З'ездзілі за дзень 8 разоў». Што робіцца на польскай мяжы, дзе прадавалі выезд без чаргі
Што адбываецца з квіткамі на аўтобусы з Мінска ў Вільню пасля масавай адмены рэйсаў? Гэта нешта ненармальнае
Аўтобусам хутчэй, але пастаяць давядзецца. У сэрвісе продажу квіткоў расказалі пра сітуацыю на межах з ЕС
Цяпер чытаюць
Зяленскі: Рэтранслятары на мяжы Беларусі прыпынілі працу71
Каментары