У беларусаў узнікаюць цяжкасці з выкарыстаннем Apple Pay. Нацбанк пракаментаваў
Нацбанк Беларусі пракаментаваў цяжкасці, з якімі апошнім часам сутыкаюцца кліенты некаторых беларускіх банкаў пры выкарыстанні сэрвісу Apple Pay, піша БелТА.
Начальнік галоўнага ўпраўлення плацежнай сістэмы і лічбавых тэхналогій Нацбанка Антон Падрэз адзначыў, што беларускія банкі не могуць непасрэдна ўплываць на палітыку і аперацыйныя рашэнні замежных плацежных сэрвісаў. Тым не менш, яны актыўна працуюць, каб мінімізаваць нязручнасці для кліентаў і аднавіць магчымасць карыстання Apple Pay.
Падрэз падкрэсліў, што Нацбанк і беларускія банкі могуць гарантаваць стабільную і бяспечную працу нацыянальных плацежных сістэм. Таму ён заклікаў грамадзян пры аплаце тавараў і паслуг карыстацца картамі беларускай сістэмы «Белкарт» і іншымі айчыннымі сэрвісамі, такімі як БЕЛКАРТ PAY і E-pos. Гэтыя сэрвісы валодаюць такой жа функцыянальнасцю ўнутры краіны, а іх бесперабойную працу забяспечваюць беларускія банкі і Нацбанк.
Акрамя таго, Нацбанк рэалізуе праект па пашырэнні магчымасцяў сістэмы імгненных плацяжоў. Гэта дазволіць фізічным асобам рабіць аплату юрыдычным асобам і індывідуальным прадпрымальнікам у рэжыме рэальнага часу, уключаючы плацяжы па QR-кодзе праз любы плацежны дадатак беларускага банка або пастаўшчыка плацежных паслуг.
Перавага такой сістэмы ў тым, што сродкі паступаюць атрымальніку імгненна, нават у выхадныя і святочныя дні. Гэта паляпшае абаротнасць грашовых сродкаў, забяспечвае даступную ліквіднасць і дапамагае скараціць касавыя разрывы ў арганізацыях.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары
Людзі ў 2020-21 выходзілі, але гэта не перашкодзіла ўвесці кучу санкцый, пры чым, у тым ліку на народ, а не на рэжым