ЗША ўхвалілі продаж Украіне 3350 далёкастрэльных ракет ERAM (Extended Range Attack Munition), якія могуць біць на адлегласць ад 250 да 450 кіламетраў. Гэта значыць, яны патэнцыйна могуць трапіць нават у раён гарадоў Калуга, Тула і Ліпецк. Украінская армія можа атрымаць іх ужо ў найбліжэйшыя месяцы, а аплацяць закупку еўрапейскія краіны, піша Reuters.
ERAM — гэта авіяцыйная крылатая ракета класа «паветра—паверхня», прызначаная для паражэння наземных і марскіх цэляў. Яе радыус дзеяння складае ад 240 да 450 км, а модульная канструкцыя дазваляе адаптаваць зброю пад розныя задачы.
Кошт куплі складае 825 мільёнаў даляраў і будзе пакрыты за кошт фінансавання з Даніі, Нарвегіі і Нідэрландаў. Раней гэтыя краіны разам з Германіяй выдзелілі 1,5 мільярда даляраў на набыццё амерыканскай зброі для Украіны. Дадатковае фінансаванне можа адбывацца праз праграму фінансавання замежных ваенных аперацый ЗША.
Хоць адміністрацыя Дональда Трампа раней дазваляла пастаўкі зброі, якая ўжо была ў распараджэнні Украіны, гэта, як мяркуецца, будзе першы вялікі продаж новага ўзбраення.
Паводле слоў крыніц, ракеты могуць паступіць Украіне яшчэ ў гэтым годзе, магчыма, нават праз паўтара месяца.
Пакуль што ЗША, праўда, не дазваляюць Украіне выкарыстоўваць гэтыя ракеты для ўдараў на тэрыторыі Расіі, і пакуль невядома, ці будуць якія-небудзь абмежаванні адносна ERAM. Але нядаўна Дональд Трамп крытыкаваў ранейшую адміністрацыю Джо Байдэна за тое, што Украіне нібыта не дазваляюць адказваць на ракетныя ўдары агрэсара. Ён адзначыў, што без магчымасці адказваць цяжка перамагчы ў вайне, і дадаў, што наперадзе «цікавыя часы».
Зяленскі: Украіна мае ўласную зброю для далёкіх удараў па Расіі без узгаднення з ЗША
Трамп: Вайна Расіі і Украіны — асабісты канфлікт, а Пуцін не сустракаецца з Зяленскім, бо яго не любіць
Палкоўнік з Вайсковай акадэміі лічыць, што беларускае войска даспела да касмічнай групоўкі
Што вядома пра крылатую ракету «Фламінга». Ці дастане яна да Масквы і вытворчасцяў шахедаў?
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
Як можна весці вайну, калі не біць у адказ?
- Приедут через 3 тыжни (перемога)
- Приедут завтра (перемога)
- Поставка отменяется, Трамп нас предал (зрада!)
- Трамп бы поставил, но европейцы нас предали (зрада!)
- Воны вжэ в войску (перемога)
- Ничего нет ни в каком войске, все непраильно перевели (зрада!)
...