З моманту ўключэння ў аб’яднаную энергасістэму першага энергаблока (3 лістапада 2020 года) Беларуская атамная станцыя (БелАЭС) сумарна вырабіла 50 млрд кВт·г электраэнергіі. Гэта дазволіла замясціць 13,6 млрд м³ прыроднага газу, паведамляе Мінэнерга.
Фота: Мінэнерга
Кожны з энергаблокаў вырабляе каля 28 млн кВт·г электраэнергіі за суткі. Доля атамнай генерацыі ў агульным аб’ёме вытворчасці электраэнергіі ў Беларусі складае 40 %.
Мінэнерга зазначае, што ўзвядзенне і ўвод у эксплуатацыю Беларускай АЭС стала важным этапам у развіцці энергасістэмы:
- краіна цалкам забяспечвае сябе ўласнай электраэнергіяй і адмовілася ад імпарту;
- масавая электрыфікацыя і пераход населеных пунктаў на электраацяпленне павышаюць камфорт пражывання мільёнаў людзей;
- у беларускіх гарадах расце колькасць электратранспарту;
- за кошт праводзімай мадэрнізацыі электрасетак забяспечваецца надзейнасць электразабеспячэння.
-
Дальнабойшчыкі зарабляюць шмат, але калі ідуць на пенсію або па крэдыт, то выяўляецца, што не ўсё так радасна
-
Новае пакаленне гендырэктараў: моладзь і далёка не «крэпкія хазяйсцвеннікі» масава ўзначальваюць трыльённыя бізнэсы
-
Не толькі Гродна. Стала вядома, у якіх яшчэ гарадах Беларусі з'явіцца таксі Bro Car
Каментары
Беларусь да АЭС выпрацоўвала электраэнергіі больш як спажывала.
Лішак скідаўся ў БРЭЛЛ (кальцо Беларусь-Расія-Эстонія-Латвія-Літва-Беларусь), але сёлета краіны Балтыі нарэшце алключыліся і не ўжо залежаць ад энергасістэмы Расіі і Беларусі). Гэты лішак даваў Беларусі магчымасць безпраблемна адключаць любы энэргаблок нашых станцый для прафілактыкі ці рамонту.
Беларусь спажывала газ, але экспартавала электраэнергію.
Усе дадзеныя вытворчасці і спажывання беларускай электраэнергіі маюцца ў адкрытых крыніцах і лёгка гугляцца па гадах, кожны можа праверыць.
Скарачэнне спажывання газу, каб стварыць залежнасць ад расійскага ядзернага паліва гэта як нагавіцы нацягнуць на галаву і ганарыцца непатрэбнасці шапкі.
Шмат электрастанцый на прыродным газе, які пры даданні можна браць дзе заўгодна, са шматлікімі энергаблокамі кожная гэта бяспечней, чым адна станцыя цалкам і назаўсёды залежная выключна ад расійскіх ядзерных "дроваў".
Пры кошце $128.50= за 1м3 кошт замешчанага расейскага газа складае $1.75млрд, Калі б з яго было выраблена 50млрд кВт*г - сабекошт электраэнэргіі па паліву склаў бы $0.035 за кВт*г. Які сабекошт ядравай генерацыі на БелАЭС - дагэтуль невядома. Тым больш што ён супрадважаецца велічэзнымі выдаткамі на будаўніцтва, утылізацыю ядравага паліва і вельмі дарагі вывад АЭС з эксплуатацыі.