Зноў арыштаваны былы белсатавец Алесь Любянчук. Ён выйшаў з калоніі паўгода таму
Аператар цалкам адбыў прызначаны яму трохгадовы турэмны тэрмін.
Стала вядома пра новы арышт экс-палітвязня Алеся Любенчука. Былы аператар «Белсата» ўтрымліваецца ў СІЗА.
Алесь Любянчук да 2020 года супрацоўнічаў з «Белсатам», трапляў на суткі за працу на паслявыбарчых акцыях пратэсту. Калі праца ў Беларусі стала немагчымай, адышоў ад журналістыкі, але застаўся ў краіне.
Любянчук займаўся дабрачыннасцю, дапамагаў дзецям-сіротам, арганізоўваў турыстычныя паходы і аднаўляў гісторыка-культурную спадчыну Наваградчыны.
Алесь быў арыштаваны ў маі 2022 года. Яму інкрымінавалі супрацоўніцтва з «Белсатам» як удзел у «экстрэмісцкім фармаванні» і прысудзілі 3 гады зняволення. Любянчук цалкам адбыў прызначанае пакаранне ў калоніі №15 Магілёва і выйшаў па сканчэнні тэрміну ў студзені 2025 года.
Прычына чарговага арышту пакуль невядомая.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар5
Каментары