Зяленскі: Пуцін спрабуе абдурыць Трампа і робіць усё магчымае, каб пазбегнуць санкцый
Прэзідэнт Украіны заявіў, што саміт на Алясцы з Дональдам Трампам шмат чаго даў Пуціну.
Зяленскі таксама заявіў, што Пуцін «хацеў вырвацца з палітычнай ізаляцыі» з дапамогай саміту на Алясцы і лічыць, што «яму варта было заплаціць больш» за сустрэчу з прэзідэнтам ЗША, піша УНІАН.
«Ён павінен быў атрымаць адкат у гэтай вайне і спыніцца. Але замест гэтага ён атрымаў дэізаляцыю. Ён атрымаў фатаграфіі з прэзідэнтам Трампам. Ён атрымаў публічны дыялог, і я думаю, што гэта адкрывае Пуціну дзверы для іншых самітаў і фарматаў, таму што так яно і ёсць, і мы гэта бачым, мы гэта назіраем, і я не думаю, што ён за гэта нешта заплаціў».
Прэзідэнт падкрэсліў, што вельмі важна не даваць Пуціну магчымасці выйсці з ізаляцыі, бо інакш ён не будзе адчуваць сябе абавязаным спыніць вайну.
«Ён развязвае вайну, і ўсе спрабуюць спыніць яго, спрачаючыся і просячы, але замест гэтага варта ўжываць сілу. Ён разумее сілу. Гэта яго мова. Гэта мова, якую ён разумее», — сказаў Зяленскі.
Ён падкрэсліў, што Пуцін «робіць усё магчымае, каб пазбегнуць санкцый, не даць ЗША і Трампу ўвесці супраць яго санкцыі, і калі вы будзеце працягваць адкладаць увядзенне санкцый, то расіяне будуць лепш падрыхтаваныя».
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс29
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары