За распаўсюд крамлёўскай прапаганды ў Дамінікане затрымалі 25‑гадовага расіяніна
Дзмітрый Новікаў узначальваў у краіне сетку, якая займалася «стварэннем і распаўсюджваннем лічбавага кантэнту, арыентаванага на кампаніі палітычнай дэзынфармацыі і маніпуляцыі ў сацыяльных сетках».
За распаўсюд крамлёўскай прапаганды ў Дамініканскай Рэспубліцы затрымалі 25‑гадовага расіяніна, які звязаны з «Фабрыкай троляў» Прыгожына, піша Astra.
«Дзяржаўнае міністэрства разам з Мэтавай групай па барацьбе з арганізаванай злачыннасцю арыштавалі грамадзяніна Расіі, звязанага з «Лахтай» або «Кампаніяй», праектам, накіраваным на пашырэнне дэзінфармацыі, які ўжо быў расследаваны ў такіх краінах, як Аргенціна або ЗША. 25‑гадовы Дзмітрый Новікаў быў арыштаваны падчас аперацыі на віле ў жылым раёне Пальмас-дэль-Соль II у Бавара, Ла-Альтаграсія, дзе ён жыў са сваімі сваякамі», — гаворыцца ў прэс-рэлізе ведамства.
Паводле версіі дамініканскай пракуратуры, Новікаў узначальваў у краіне сетку, якая займалася «стварэннем і распаўсюджваннем лічбавага кантэнту, арыентаванага на кампаніі палітычнай дэзінфармацыі і маніпуляцыі ў сацыяльных сетках».
Раней пра выяўленне шпіёнскай сеткі, звязанай з расійскім праектам «Лахта», паведамлялі ў Аргенціне. Праект быў заснаваны Прыгожыным і звязаны з яго «Фабрыкай троляў», пісалі СМІ. У BBC паведамлялі, што ў нейкі момант прыгажынскае «Агенцтва інтэрнэт-даследаванняў», якое і было «Фабрыкай троляў», вырасла ў новы, але па сутнасці той самы праект «Лахта».
Паводле версіі пракурораў Дамініканскай Рэспублікі, Новікаў утоіў сваё расійскае грамадзянства, уплываў на грамадскую думку ў краіне, прасоўваючы прапаганду, «атрымліваючы пры гэтым сродкі і ўказанні ад тых, хто звязаны з вышэйзгаданым праектам». Яго таксама абвінавацілі ў ўтойванні паходжання рэсурсаў і садзейнічанні незаконнай дзейнасці, звязанай з адмываннем грошай і транснацыянальным фінансаваннем. Таксама расіяніна абвінавачваюць у продажы і распаўсюджванні агнястрэльнай зброі, гаворыцца ў прэс-рэлізе.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна4
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары