У самым цэнтры Мінска, па адрасе вуліца Рэвалюцыйная, 32, у найбліжэйшыя тыдні адчыніць дзверы Музей піва, над якім каманда Lidbeer працавала некалькі гадоў. Рамонт ужо завершаны, а цяпер ідзе фінальнае афармленне экспазіцыйных залаў. Афіцыйнае адкрыццё чакаецца прыкладна праз 2—3 тыдні, паведаміў у фэйсбуку гісторык Алег Дзярновіч.
Музей размесціцца ў двухпавярховым будынку і будзе сумяшчаць у сабе традыцыйную выставу і гастранамічны фармат — гэта значыць, наведвальнікі змогуць не толькі ўбачыць экспанаты, прысвечаныя гісторыі піваварства ў Беларусі, але і паспрабаваць розныя гатункі піва, а таксама стравы нацыянальнай кухні.
Па сутнасці, праект задуманы як рэстаран-музей, дзе можна адначасова заглыбіцца ў гісторыю і атрымаць кулінарны досвед.
У 2014 годзе ў гэтым будынку ўжо дзейнічаў музей піва, створаны пры бровары «Старамесны півавар». Там экспанаваліся прадметы, звязаныя з гісторыяй піваварства ў Беларусі, сабраныя ў розных рэгіёнах краіны. Інтэр’еры былі спецыяльна распрацаваныя пад музей і нават прадугледжвалі аглядную пляцоўку, каб наведвальнікі маглі назіраць за працэсам прыгатавання напою. Аднак праект праіснаваў толькі чатыры гады, пасля чаго ў будынку адкрыўся стрыптыз-клуб.
Цяперашняя ініцыятыва Lidbeer больш маштабная: яна мае на мэце не толькі паказаць гісторыю і традыцыі піваварcтва, але і зрабіць музей часткай сучаснага культурнага жыцця Мінска. Тут плануюцца інтэрактыўныя элементы, магчымыя тэматычныя імпрэзы і спецыяльныя праграмы для наведвальнікаў.
Жыхар Смаргонскага раёна зрабіў музей на сцяне адрыны
Прадаюць калекцыю, канфіскаваную ў Бабарыкі. А што стала з творамі, якія канфіскоўвалі нацысты?
Новыя сцены і страчаныя маляўнічыя далягляды. Як выглядае Навагрудскі замак пасля рэканструкцыі
Рэстаран Мак.by адкрыюць у Баранавічах
У Мінску гарэў рэстаран «Чумацький шлях»
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах4
Каментары