Гісторыя здарылася ў Кастрычніцкім раёне Мінска. 26‑гадовая дзяўчына шпацыравала па вуліцы Брацкай і знайшла звязак ключоў. Па бірульцы зразумела, што іх, верагодна, згубіў яе калега — раней яна бачыла іх у яго. Гараджанка забрала ключы сабе, аднак так і не вярнула ўладальніку, расказваюць «Мінск-Навіны».
Прагортваючы стужку ў сацсетцы, яна ўбачыла фатаграфію калегі з чамаданам — ён збіраўся з'ехаць з краіны. Таксама дзяўчына прыгадала: мужчына распавядаў, што яго жонка і дзіця гасцююць у бацькоў, а ён збірае грошы на аўтамабіль.
Пераапрануўшыся ў іншую вопратку, дзяўчына паехала туды, дзе пражываў калега. Знойдзенымі ключамі яна адчыніла дзверы ягонай кватэры і выкрала з канверта, які ляжаў у шафе, 4200 даляраў. Далей адправілася ў гандлёвы цэнтр, дзе зноў пераапранулася, і стала абменьваць скрадзеную валюту.
Неўзабаве пасля вяртання мужчына заўважыў прапажу грошай і паведаміў пра гэта ў міліцыю, папрасіўшы тую самую калегу і яе маладога чалавека пабыць панятымі пры аглядзе месца злачынства. Дзяўчыне было сорамна, але яна не прызналася ў крадзяжы.
Але пасля ўсё стала вядома. На дзяўчыну завялі крымінальную справу. Ёй выстаўленае абвінавачванне ў таемным выкраданні маёмасці, учыненым у буйным памеры, з пранікненнем у жыллё (крадзяжы) — ч.3 арт. 205 КК. За гэта пагражае да 7 гадоў калоніі.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары