На вызваленых і дэпартаваных палітвязняў сабралі 111 тысяч еўра — як іх размяркуюць?
Калі 11 верасня ў Літву вывезлі 51 палітвязня, «Байсол» абвясціў экстранны збор дапамогі для іх. У выніку сабралі больш за 111 тысяч еўра. Многія меркавалі, што суму падзеляць пароўну на ўсіх і раздадуць. Але механізм аказаўся іншы.
Зміцер Ягораў, прадстаўнік фонду «Байсол», расказаў «Нашай Ніве», што вызваленыя палітвязні ўжо атрымалі першую грашовую дапамогу. Гаворка пра тысячу еўра на чалавека, якія выплочваюцца са сродкаў Міжнароднага гуманітарнага фонду, а не з сабраных 111 тысяч еўра. Гэтыя грошы перадалі 31 былому палітвязню — столькі вывезеных звярнуліся па тую суму (з 51 чалавека, якіх вывезлі за мяжу, 14 былі замежнымі грамадзянамі).
Што да грошай са збору, то вось якім чынам яны будуць размеркаваныя:
«Мы абвесцілі збор на 50 тысяч еўра, а сабралі 111 тысяч — дзякуй усім, хто далучыўся. Рашэннем фонду 50 тысяч будуць прызначаныя на тое, каб дапамагчы людзям з групы палітзняволеных, вызваленай 11 верасня. Рэшта грошай пойдуць на тое, каб дапамагчы людзям, якія, як мы спадзяёмся, будуць вызваленыя падобным чынам.
Гэта нетыповае вызваленне, калі вялікую колькасць людзей вывозяць у іншую краіну без дакументаў і без усялякай маёмасці. Гэтым людзям патрэбная экстранная дапамога».
Частка з тых 50 тысяч пайшла на выдаткі, якія з’явіліся ўжо ў дзень вызвалення палітвязняў:
«Ёсць адносна невялікія выдаткі, звязаныя з легалізацыяй людзей — былі хутка патрэбныя грошы на консульскія зборы, каб людзі атрымалі візы, і розныя страхоўкі. Таксама ў нас ёсць кантакт з больш чым 30 асобамі, вызваленымі тады, і мы ўжо прапаноўваем ім падацца на грашовую дапамогу. Гэта будуць грашовыя пералікі цягам трох месяцаў».
Суму пералікаў, кажа Зміцер, пакуль складана вызначыць — усё будзе залежыць ад таго, колькі людзей захоча атрымліваць гэтую дапамогу. «Байсол» збіраецца падзяліць паміж гэтымі людзьмі тыя 50 тысяч еўра за вылікам грошай, выдаткаваных на легалізацыю.
Каб атрымаць гэтую дапамогу, вызваленым, якіх 11 верасня дэпартавалі ў Літву, трэба напісаць у тэлеграм-акаўнт @bysol_pzk. Таксама былыя палітвязні могуць звярнуцца ў фонд, каб адкрыць асабісты збор.
«Наша Нiва» — бастыён беларушчыны
ПАДТРЫМАЦЬ«Байсол» пачаў рабіць першыя выплаты нядаўна вызваленым палітвязням
Пячнік і бацька шасцярых дзяцей адседзеў у калоніі за ўдзел у пратэстах. Ён просіць дапамогі, каб адкрыць сваю справу
«Дзе грошы, Франак?» Вячорка тлумачыць сістэму міжнароднай дапамогі грамадзянскай супольнасці і куды ідуць 30 млн ад ЕС
Цяпер чытаюць
Папулярную тыктокерку з Лунінца, якая ратавала бяздомных жывёлінаў, асудзілі за палітыку1
Каментары
Почему нет подробной финансовой детализации и отчета за деньги ?
А журналисты тихо молчат в тряпочку не задавая неудобных вопросов.