Сям'ю выбітных педагогаў-баяністаў асудзілі за ўдзел у пратэстах
Лілія і Аляксандр Пажарыцкія — сям'я выбітных педагогаў-баяністаў, адзначаная многімі дзяржаўнымі ўзнагародамі. І яны не адзіныя музычныя выкладчыкі, якіх асудзілі за апошні час.
Ліліі Пажарыцкай 60 гадоў. У 1984 годзе яна скончыла Сярэднюю спецыяльную школу пры беларускай кансерваторыі, у 1989 — Ленінградскую кансерваторыю ў класе выбітнага баяніста родам з Беларусі Пятра Гаварушкі. Больш за 30 гадоў Лілія выкладае ў Рэспубліканскай гімназіі‑каледжы пры Беларускай дзяржаўнай акадэміі музыкі.
Пажарыцкая двойчы станавілася ўладальніцай прэзідэнцкага гранта (2016, 2018) і адзначаная шэрагам дзяржаўных грамат.
Яе мужу Аляксандру Пажарыцкаму 69 гадоў. Ён з Оршы. Скончыў Беларускую дзяржаўную кансерваторыю (1983), выкладаў на кафедры баяна і акардэона Беларускай дзяржаўнай акадэміі музыкі (1990—1996). Музыка гастраляваў у Беларусі, Англіі, Германіі. Свой першы аўтарскі канцэрт правёў у Беларускай дзяржаўнай філармоніі ў 1996 годзе.
Цяпер працуе ў дзіцячай музычнай школе мастацтваў № 17 Мінска і мае ступень педагога вышэйшай катэгорыі, узначальвае аддзяленне «Народныя інструменты (баян, акардэон)».
Аляксандр аўтар больш як 40 твораў, некаторыя з якіх выдадзеныя асобнымі кнігамі.
Выхаванцы пары — лаўрэаты і дыпламанты конкурсаў у Беларусі, а таксама Польшчы, Літве, Латвіі, Сербіі, Арменіі, Расіі. Многія атрымлівалі стыпендыі Спецыяльнага фонду па падтрымцы таленавітай моладзі.
Аляксандра і Лілію Пажарыцкіх асудзілі ў 2025 годзе. Ім прысудзілі хатнюю хімію па ч. 1 арт. 342 КК — за ўдзел у пратэстах.
Агулам, падобна, што адбылася аблава на музычных педагогаў у Беларусі. Бо за апошні час прайшло некалькі падобных судоў — напрыклад, асудзілі джазавую спявачку і кіраўніцу вакальнай студыі Вераніку Яноўскую.
«Наша Нiва» — бастыён беларушчыны
ПАДТРЫМАЦЬПамятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся1
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары