Сяргей Ціханоўскі апублікаваў адкрыты ліст, у якім патлумачыў свае паводзіны са Святланай на сустрэчы з дыяспарай у Нью-Ёрку. Там пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку. Прыводзім гэты ліст.
1. Я вельмі паважліва стаўлюся да сваёй жонкі і да яе старанняў. І раблю ўсё, каб яна пра гэта ведала.
2. Мая грубасць учора выяўлялася не столькі ў думках, колькі ў інтанацыі. Ведаю за сабой гэты грэх. Гэтая ж прамалінейная інтанацыя была маім галоўным палітычным інструментам у 2020 годзе.
3. Той факт, што я не высыпаюся, хвалююся, не апраўдвае маіх манер ва ўчорашняй сітуацыі на плошчы ў Нью-Ёрку.
4. Я злаваўся на тое, што мяне спрабуюць выкарыстаць. Выкарыстаць як талісман. Не кажуць ні пра мэты, ні пра расклад сустрэч і інтэрв'ю. Не цікавяцца маім меркаваннем.
5. Я сапраўды хацеў паўтары гадзіны пабыць разам з беларусамі і Святланай. Пра інтэрв'ю на CNN мяне паставілі перад фактам за 20 хвілін да стрыму. Яно было непрадбачаным, нязначным, а можа і шкодным у дадзеным палітычным кантэксце. Такое інтэрв'ю дакладна не трэба было прызначаць на той жа час, што і даўно запланаваную сустрэчу з дыяспарай.
6. Мы занадта часта разыходзімся ў меркаваннях з акружэннем Святланы. Гэта праблема.
Я ўсведамляю, што павінен зрабіць гэта з мінімальнымі выдаткамі для нашай агульнай справы.
Шчыра ваш, Сяргей Ціханоўскі.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары