Метэазонд з беларускімі цыгарэтамі прызямліўся проста каля гіпермаркета ў Беластоку
У Беластоку на паркоўцы каля гіпермаркета Auchan на вуліцы Гетманскай прызямліўся метэазонд з партыяй беларускіх цыгарэт. Такія аб'екты звычайна запускаюць кантрабандысты, піша выданне Most.
Незвычайны груз каля гіпермаркета ўбачылі каля сёмай гадзіны раніцы 27 верасня. Службы, якія прыбылі на месца, знайшлі ў «пасылцы» 2 тысячы пачкаў цыгарэт без польскіх акцызных марак.
Аказалася, гэта не адзіная партыя, запушчаная з Беларусі па паветры ў ноч з 26 на 27 верасня. Падобны груз знайшлі ў прыгарадзе Беластока Кляосіне. Памежная служба паведаміла пра затрыманне двух палякаў, у якіх пры сабе былі ўпакоўкі з цыгарэтамі.
Цікавасць кантрабандыстаў да паветранага шляху перакідання цыгарэт вырасла пасля таго, як на польска-беларускай мяжы пабудавалі плот. Метэазонды перамяшчаюцца на нізкай вышыні, таму радары іх не фіксуюць. Але вецер часта адносіць іх далёка ад месцаў меркаванай пасадкі.
Звычайна зонды суправаджаюць GPS-датчыкамі, што палягчае кантрабандыстам іх пошук на польскім баку.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма8
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары