У выніку паводак, выкліканых моцнай залевай, якая прайшла ў аўторак, у Адэсе і Адэскім раёне загінулі дзевяць чалавек, у тым ліку адно дзіця. Пра гэта раніцай серады паведаміла выратавальная служба Украіны.
«Усю ноч ратавальнікі дапамагалі эвакуіраваць людзей з вадзяных пастак, даставаць аўтамабілі, адкачваць ваду з будынкаў і шукаць зніклую дзяўчынку, якую знайшлі а сёмай раніцы […] Усяго выратавана 362 чалавекі і эвакуявана 227 транспартных сродкаў», — гаворыцца ў паведамленні Дзяржаўнай службы надзвычайных сітуацый.
Каментары