У мужчын таксама бывае клімакс: калі ён надыходзіць і чым адрозніваецца ад жаночага
Большасць з нас чулі пра жаночы клімакс, але мала хто ведае, што з узростам гарманальныя змены адбываюцца і ў мужчын. Гэты стан называецца андрапаўза, і яна можа пачацца не толькі пасля 50, але нават у 35—40 гадоў, распавяла «Смартпрэсу» доктар-эндакрынолаг і дыетолаг Таццяна Мусік.
Калі можа пачацца мужчынскі клімакс
Звычайна андрапаўза развіваецца ў 45—50 гадоў, калі натуральна зніжаецца ўзровень тэстастэрону — галоўнага мужчынскага гармону. У выніку пагаршаецца патэнцыя, зніжаецца лібіда, узнікаюць праблемы са сном і настроем.
Аднак пры залішняй вазе клімакс можа наступіць раней — нават да 45 гадоў.
«Тлушчавая тканка «ператварае» тэстастэрон у жаночыя гармоны — эстрагены. Калі акружнасць таліі перавышае 90 см, гэта ўжо сігнал, што ўзровень тэстастэрону, хутчэй за ўсё, паніжаны», — тлумачыць доктар.
Печань і стрэс таксама ўплываюць
Пры хранічных захворваннях печані, асабліва пры тлушчавым гепатозе, парушаецца гарманальны абмен. Печань удзельнічае ў метабалізме тэстастэрону і эстрагенаў. Гэта таксама можа прывесці да дысбалансу.
Не менш небяспечныя пастаянны стрэс і недасып.
«Высокі ўзровень карцізолу (гармону стрэсу) прыгнятае сістэму «гіпаталамус—гіпофіз—яечкі», якая адказвае за выпрацоўку тэстастэрону. А недасып парушае выдзяленне мелатаніну і натуральны рытм сну, што таксама зніжае ўзровень мужчынскага гармону», — удакладняе спецыяліст.
Як распазнаць мужчынскі клімакс
Сімптомы андрапаўзы з’яўляюцца паступова і могуць уключаць:
зніжэнне патэнцыі і лібіда;
хуткую стамляльнасць, апатыю, перапады настрою;
парушэнні сну, прылівы жару, павышаную патлівасць;
болі ў вобласці сэрца, тахікардыю пры нармальнай ЭКГ;
сухасць скуры, пігментныя плямы, выпадзенне валасоў;
зніжэнне мышачнай масы і назапашванне тлушчу, асабліва ў вобласці жывата і грудзей.
У адрозненне ад жаночага клімаксу, калі ўзровень эстрагенаў рэзка падае за 1—2 гады, у мужчын тэстастэрон змяншаецца паступова — прыкладна на 1—2% за год пасля 30 гадоў. Таму многія не заўважаюць пачатку змен.
Што рабіць
Калі ёсць падазрэнне на гарманальныя змены, варта звярнуцца да андролага або эндакрынолага. Доктар можа прызначыць:
агульны і біяхімічны аналіз крыві;
аналіз на прастат-спецыфічны антыген;
вызначэнне ўзроўню тэстастэрону, ЛГ, ФСГ і звязанага з імі глабуліну.
Таксама варта зрабіць электракардыяграму, трансрэктальнае даследаванне прастаты і УГД машонкі. На падставе гэтых аналізаў і абследаванняў можна будзе паставіць правільны дыягназ.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае4
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Так что, не всё так однозначно с этим тестостероном