«Калі шмат нявызначанасцяў, то людзі пачынаюць хацець, каб быў нейкі лідар, які б даваў выразны адказ».
Эканаміст Леў Львоўскі лічыць, што беларускае грамадства хацела б моцнай рукі. І гэта ўласцівасць не толькі беларусаў, а цяперашняга часу агулам.
«Цяпер проста ў свеце шмат нявызначанасцяў, і я думаю, калі шмат нявызначанасцяў, то людзі пачынаюць хацець, каб быў нейкі лідар, які б даваў выразны адказ, лідар, у якога ёсць выразны план, які гатовы весці за сабой і гэтак далей, і гэтак далей», — тлумачыць Львоўскі ў ютуб-перадачы «Гадзіннічак цікае».
Пад моцнай рукой ён разумее не аўтарытарны стыль кіравання, а яркія лідарскія здольнасці.
Львоўскі разважае, што, напрыклад, Швейцарыя без гэтага можа абысціся, бо там апошнія гады не было вялікіх крызісаў.
«Без лідарства можна жыць, калі сапраўды ўсё добра, калі ёсць інстытуты, якія падмяняюць гэтага лідара», — дадае эканаміст.
Каментары