За зборную Беларусі дэбютаваў беларус, які гуляе ў чацвёртым дывізіёне Іспаніі
У матчы адборачнага турніру чэмпіянату свету па футболе супраць Даніі, які скончыўся разгромам беларусаў з лікам 0:6, за зборную Беларусі дэбютаваў 22‑гадовы Леа Маскара-Капілевіч.
Леа нарадзіўся 22 гады таму ў сям'і беларускі, што перабралася ў Іспанію, і мясцовага жыхара. Выступаў спачатку за клуб чацвертага дывізіёна «Севілья Атлетыка», які з'яўляецца філіялам клуба «Севілья». А ўлетку перабраўся ў «Рэкрэатыва» з Уэльвы.
Леанарда раней выклікаўся ў склад беларускай юнацкай зборнай і нават згуляў два матчы.
Выклікаўся і ў 2023 годзе трэнерам нацыянальнай зборнай Карласам Алосам, але дэбютаваў толькі зараз.
Учора Маскара-Капілевіч згуляў увесь матч.
Ягонае «Рэкрэатыва» ў сваім першынстве ідзе на 2‑м месцы ў зоне пераходных матчаў, адстаючы ад першага месца, што дае прамы выхад у трэці дывізіён, на тры балы.
Клуб у свой час правёў пяць сезонаў у вышэйшым іспанскім дывізіёне (прымера), у сезоне 2006‑2007 нават быў восьмым, але ў наступным сезоне вылецеў з прымеры.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары