Індыя адказала на словы Трампа пра адмову прэм'ера Модзі ад расійскай нафты
Індыя адказала на словы прэзідэнта ЗША Дональда Трампа аб адмове краіны ад закупкі расійскай нафты, падкрэсліўшы, што прыярытэт для яе — абарона інтарэсаў спажыўца. Адпаведная заява прадстаўніка міністэрства Рандхіра Джайсвала апублікавана ў чацвер на сайце ведамства, піша Deutsche Welle.
«Індыя — буйны імпарцёр нафты і газу. Наш пастаянны прыярытэт — абарона інтарэсаў індыйскіх спажыўцоў ва ўмовах нестабільнай энергетычнай сітуацыі. Наша палітыка ў галіне імпарту цалкам скіраваная на дасягненне гэтай мэты», — адзначаецца ў тэксце.
Джайсвал адзначыў, што для «забеспячэння стабільных цэн на энерганосьбіты і надзейнасці паставак» Індыя пашырае крыніцы энергазабеспячэння «ў адпаведнасці з рынкавымі ўмовамі». Кажучы пра супрацоўніцтва з ЗША, ён дадаў, што індыйскі бок на працягу многіх гадоў імкнуўся пашырыць закупкі энергіі ў гэтай краіне, абмеркаванні гэтай тэмы паміж бакамі працягваюцца і цяпер.
15 кастрычніка прэзідэнт ЗША заявіў, што прэм’ер-міністр Індыі Нарэндра Модзі паабяцаў яму спыніць закупкі расійскай нафты. Паводле слоў Трампа, гэта адбудзецца «праз кароткі прамежак часу».
«Цяпер мы хочам дамагчыся, каб Кітай зрабіў тое ж самае», — сказаў амерыканскі лідар. На гэта адказаў прадстаўнік МЗС Кітая Лінь Цзянь, назваўшы закупкі расійскай нафты «законнымі». Ён дадаў, што ЗША займаюцца «запалохваннем» і падрываюць міжнародны гандаль.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА42
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары