Днямі Лукашэнка даручыў міністру ўнутраных спраў Івану Кубракову разабрацца з тымі, хто п’е каву на АЗС, і навесці там «жалезны парадак» — каб тыя, хто прыехаў заправіцца, не чакалі доўга ў чэргах. Пасля гэтага былі створаны рэйдавыя групы сілавікоў, каб маніторыць запраўкі. Што адбываецца падчас такіх рэйдаў?
«З кіраўніцтвам аўтазаправак праводзіцца прафілактычная гутарка аб неабходнасці выканання мер бяспекі для наведвальнікаў, а таксама размежавання дзейнасці па рэалізацыі паліва і продажы спадарожных тавараў і прадуктаў харчавання», — расказаў «Гродзенскай праўдзе» начальнік упраўлення ДАІ УУС Гродзенскага аблвыканкама Генадзь Бяляўскі.
Штрафаваць за кубак кавы не будуць. Інспектары праводзяць прафілактычныя гутаркі з такімі кіроўцамі.
На адной з гродзенскі заправак, куды прыехаў рэйд, знайшоўся кіроўца, які пакінуў машыну ля калонкі і адправіўся па каву. Чэргі за ім не было, але інспектары пасля правялі прафілактычную гутарку. Высветлілася яшчэ, што ў мужчыны няма тэхагляду, хоць прадпісанне прайсці яго ён ужо атрымліваў.
На большасці заправак чэргаў праз каву не ўзнікала.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы10
Каментары
Работники заправок, их премии, зависят от втюхивания клиентам всего, что лежит на полках заправок, а не только от реализации топлива.