Ратавальніка са Смілавічаў асудзілі да калоніі за Гаюна і «здраду дзяржаве»
Ігар Бродка мог атрымаць да 15 гадоў.
42‑гадовы Ігар Бродка паходзіць са Смілавічаў (Чэрвеньскі раён), але доўгі час жыў у Віцебску. Разам з былой жонкай мае непаўналетняе дзіця.
Ігар шмат гадоў працаваў ратавальнікам. Пасля гэтага ён быў кіроўцам — займаўся перавозкамі і таксі.
Бродка знік з сацсетак і месенджараў пасля лютага 2025 года. Імаверна, тады ён і быў затрыманы.
Яго асудзілі ў 2025 годзе па двух артыкулах — «садзейнічанне экстрэмісцкай дзейнасці» (ч. 1 і ч. 2 арт. 361‑4 КК) і «здрада дзяржаве» (ч. 1 арт. 356 КК). Яму прысудзілі калонію.
Прысуд, як і сутнасць абвінавачанняў, невядомыя, але, падобна, звязаныя са справай Гаюна. Акаўнт былога ратавальніка быў абаронены слаба і прывязаны да беларускага нумару — на жаль, ён ніяк не мог эфектыўна абараніцца.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары