У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку
51‑гадовага ўдзельніка КВЗ Васіля Краўчука затрымалі ў Пецярбургу. Тры гады таму мужчыну асудзілі на радзіме да двух гадоў хатняй хіміі за каментарый у тэлеграме — ён пажартаваў пра супрацоўніцу Інспекцыі па справах непаўналетніх.
51‑гадовы ўраджэнец Пінска і ветэран КВЗ Васіль Краўчук быў затрыманы ў Расіі.
Як распавядала «Вясна», 20 снежня 2020 года Васіль убачыў у тэлеграме навіну пра тое, як у адной беларускай школе супрацоўніца міліцыі крычала на дзяцей, выкарыстоўваючы пры гэтым нецэнзурную лексіку. З гэтай нагоды пінчук напісаў у каментарах жарт у тэлеграм-канале «Каратели Беларуси», які раней гучаў на тэлебачанні ў праграме КВЗ. Гэта быў перафразаваны фрагмент вядомай дзіцячай песні «Пусть бегут неуклюже» з мультфільма пра Чабурашку і Кракадзіла Гену.
Каментар быў наступнага зместу: «Лера стерва на работе, Лера стерва и в быту, потому что секс у Леры, только раз в году».
Праз два тыдні супрацоўнікі міліцыі прыехалі ў кватэру маці Васіля, за якой мужчына прыглядае, адвезлі яго па месцы пражывання і правялі там ператрус. Праз два тыдні сілавікі прыехалі ў кватэру маці абвінавачанага і канфіскавалі старэнькі смартфон.
У выніку супраць Васіля завялі крымінальную справу па арт. 369 КК за абразу супрацоўніка міліцыі.
Пракурор запрасіў для коміка пакаранне ў выглядзе двух гадоў абмежавання волі без накіравання ў папраўчую ўстанову адкрытага тыпу. Таксама суд пастанавіў выплаціць пацярпелай міліцыянтцы 1000 рублёў маральнай шкоды.
Праз тры месяцы пасля прысуду мужчына перастаў выходзіць на сувязь і быў абвешчаны ў вышук, піша расійскі 47news. Знайсці яго ўдалося толькі праз тры гады — у Пецярбургу.
Цяпер Васіль знаходзіцца ў аддзяленні паліцыі Маскоўскага раёна, чакае экстрадыцыю ў Беларусь.
Таксама паліцыя Пецярбурга за пратэсты затрымала 27‑гадовага мінчаніна. У 2024 годзе ён быў аб'яўлены ў вышук, у Беларусі ён завочна арыштаваны. Іншых падрабязнасцяў пра яго пакуль няма.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары