КНР працягвае скарачаць імпарт калійных угнаенняў з Беларусі.
На гэта паказваюць свежыя даныя мытнай статыстыкі Кітая, адзначае Reform.news.
У верасні імпарт хларыду калію ў КНР вырас на 24 % — да 265,06 млн даляраў, але не за кошт паставак з Беларусі.
Імпарт беларускага калію ў верасні скараціўся на 64,9 % — да 30 млн даляраў. Але трэба адзначыць, што ў параўнанні з жніўнем гэтага года пастаўкі выраслі на 67,8 %.
Пастаўкі з РФ у верасні павялічыліся на 59,6 % — да 174 млн даляраў. Імпарт з Канады вырас на 30,3 % — да 68,1 млн долараў. Таксама варта адзначыць высокія аб’ёмы закупак у Лаосе, якія ў мінулым месяцы склалі 97,6 млн даляраў.
Падчас закрыцця мяжы з боку Польшчы «Супольнасць чыгуначнікаў Беларусі» пісала пра праблемы, якія мог адчуваць «Беларуськалій». Яны былі звязаныя з немагчымасцю вяртання пустых кантэйнераў з Еўропы, што ўскладняла прадастаўленне тары для паставак калійнага гіганта.
Па выніках дзевяці месяцаў кітайскі імпарт хларыду калію ў вартасным выражэнні знізіўся на 8,1 % — да 2,63 млрд даляраў.
Імпарт беларускага калію ў студзені—верасні ў КНР паменшыўся ў вартасным выражэнні на 34,1 % — да 441,7 млн даляраў, расійскага — вырас на 4,4 % — да 1 млрд даляраў, а канадскага — паменшыўся на 18,8 % — да 455,7 млн даляраў.
У гэтым годзе Кітай таксама актыўна закупаў калійныя ўгнаенні ў Ізраілі (117,2 млн даляраў) і Лаосе (492,9 млн долараў).
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары