У Еўропе ў адзін дзень загарэліся два НПЗ, якія атрымліваюць расійскую нафту
У адзін дзень у Еўропе адбыліся два інцыдэнты на нафтаперапрацоўчых заводах, якія працуюць на расійскай сыравіне. Увечары 20 кастрычніка ўспыхнуў пажар на НПЗ кампаніі MOL у венгерскім горадзе Сазхаламбат, а таксама адбыўся выбух на прадпрыемстве ў румынскім Плаешці, якое належыць «ЛУКОЙЛу», піша The Moscow Times.
Пажар на заводзе MOL, які з'яўляецца галоўным НПЗ Венгрыі і перапрацоўвае ў тым ліку нафту, што пастаўляецца па паўднёвай галіне трубаправода «Дружба», да цяперашняга моманту лакалізаваны, перадае «24.hu». Мэр Сазхаламбаты Міхай Везер удакладніў, што ахвяр і пацярпелых няма, а прычыны здарэння высвятляюцца. Прэм'ер-міністр Віктар Орбан у Facebook паведаміў, што абмеркаваў сітуацыю з кіраўніцтвам MOL і міністрам унутраных спраў, запэўніўшы, што пастаўкі паліва ў Венгрыю знаходзяцца ў бяспецы.
У Румыніі выбух на НПЗ «ЛУКОЙЛа» адбыўся падчас рамонтных работ. Паводле даных мясцовай паліцыі, інцыдэнт здарыўся ў назіральным калодзежы трубаправода з-за скопішча газаў ад уцечкі адходаў. У выніку пацярпеў 57‑гадовы супрацоўнік, які атрымаў траўмы галавы і нагі ад бетоннай накрыўкі калодзежа. Заведзена крымінальная справа аб парушэнні тэхнікі бяспекі.
Абодва заводы залежаць ад расійскіх паставак нафты. НПЗ MOL у Венгрыі і Славакіі атрымліваюць сыравіну праз трубаправод «Дружба», нагадвае Reuters. У кастрычніку 2024 года кампанія заяўляла пра планы павялічыць долю перапрацоўкі нерасійскай нафты да 100% да канца 2026 года. Румынскі НПЗ «ЛУКОЙЛа», набыты ў 1998 годзе, з'яўляецца адным з найбуйнейшых у краіне з магутнасцю перапрацоўкі 2,5 млн тон на год.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь1
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары