Бацькам загінулай Веры даслалі з М'янмы дзіўную даведку аб яе крэмацыі
Ліст яны атрымалі на бірманскай мове — у ім сказана, што цела дзяўчыны крэміравалі 16 кастрычніка, піша «Камсамольская праўда».
Як перадае выданне, у даведцы аб крэмацыі акрамя даты ўказана таксама прычына смерці — сардэчны прыступ.
У паведамленні напісана, што Вера,
«якая працавала ў М'янме ў вёсцы Пхлу, памерла ад сардэчнага прыступу. Цела было крэміравана ў вёсцы Інкін 16 кастрычніка ў 12:00».
Калі гэтая даведка, інфармацыю пра якую перадае «Камсамольская праўда», праўдзівая, дзяўчына памерла не па крымінальных прычынах, а яе цела крэміравалі ўжо пасля публічнай навіны аб сітуацыі.
Пра знікненне Веры Краўцовай стала вядома 15 кастрычніка. Расіянка, якая змагла выбрацца з рабства, паведаміла, што Вера прыляцела ў Бангкок на працу, але апынулася ў скам-цэнтры ў М'янме. Сувязь з ёй знікла 4 кастрычніка. Сцвярджалася, што дзяўчыну нібыта прадалі на органы.
16 кастрычніка расійскае РЕН ТВ са спасылкай на крыніцу паведаміла, што Вера Краўцова знойдзена мёртвай. Па папярэдніх даных рэсурсу, смерць мела крымінальны характар.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты2
Каментары