Азаронак пра «Укантакце»: Вы, буржуі, будзеце выконваць указанні беларускай улады
Падчас свайго стрыму прапагандыст Рыгор Азаронак выказаўся наконт блакавання «Укантакце» ў Беларусі.
Тэму блакавання Укантакце Рыгор Азаронак абмяркоўваў разам з праўладным палітолагам Андрэем Лазуткіным.
Каля хвіліны Азаронак зрываўся на крык, каб давесці, што «прыватная структурка» («Укантакце») павінна «на задніх лапках» выконваць патрабаванні беларускага КДБ.
«ВК — гэта ўсе ведаюць, буржуйская прыватная арганізацыя. Так, яна афіляваная з дзяржавай, з рознымі органамі, структурамі і гэтак далей. Але гэта прыватная структурка. У Беларусі беларускія законы, беларуская ўлада!
І вы ўсе, буржуі, будзеце выконваць яе ўказанні! Калі патрабуе нешта беларускі КДБ, на задніх лапках пабеглі выконваць! А калі не, пытанне хутка вырашаецца».
Неўзабаве пасля эфіру Азаронка стала вядома, што «Укантакце» прыбралі са спісу заблакаваных у Беларусі сайтаў, а доступ да сацсеткі пакрысе аднаўляецца.
Кіраўнік расійскага холдынгу VK — Уладзімір Кірыенка. Гэта былы віцэ-прэзідэнт «Растэлекома» і сын першага намесніка кіраўніка Адміністрацыі Пуціна Сяргея Кірыенкі.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
Увогуле ўзор сімвалізуе нескладаны ўнутраны свет і звязнасць думак.