Як даведаўся Office Life, кампанія падала заяўку на рэгістрацыю новага таварнага знака ў Нацыянальны цэнтр інтэлектуальнай уласнасці.
Брэнд life:) развівае ЗАТ «Беларуская сетка тэлекамунікацый». Кампанія падала заяўку на рэгістрацыю новага таварнага знака ў пачатку верасня 2025 года. Ён уяўляе сабой найменне брэнда Life са знакам, чымсьці падобным да сэрца. Цяпер кампанія выкарыстоўвае слова life са смайлікам, які адлюстроўвае ўсмешку.
Office Life запытаў каментар у кампаніі. Там расказалі, што сапраўды зарэгістравалі таварны знак, а таксама анансавалі шэраг маштабных змяненняў. Рэгістрацыя новага таварнага знака — гэта першы крок з іх.
«Для нас важна прэзентаваць змены ў поўным аб’ёме, каб захаваць канцэпцыю і ідэйную частку праекта. Таму ўсімі дэталямі мы падзелімся падчас афіцыйнага запуску», — расказалі ў кампаніі.
У life:) не называюць дакладныя тэрміны, аднак абяцаюць, што «хутка раскажуць усе падрабязнасці і абавязкова падзеляцца імі з шырокай аўдыторыяй».
Аператар life:) пачаў працаваць у Беларусі ў 2008 годзе. З 2022 года 100%-вым уладальнікам кампаніі з’яўляецца найбуйнейшы турэцкі аператар Turkcell.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка5
Каментары