Як Коля Лукашэнка наведаў краму пад Оршай і ўчыніў пярэпалах
«Мікалай зайшоў у магазінчык, а там была адна булачка».
Нядаўна адной з задач чыноўнікам было пастаўлена наведваць крамы з праверкамі. Былая дэпутатка Мінгарсавета Вольга Цесакова расказала пра кур'ёзы, якія здараліся, калі чыноўнікі кудысьці заходзілі не па плане.
У інтэрв'ю ютуб-праекту «ЧастнОК-LIVE» яна згадала выпадак з Наталляй Качанавай.
Так, падчас аднаго з выязных пасяджэнняў Рады па мясцовым самакіраванні ў адным з раёнаў краіны Качанава незапланавана наведала краму, дзе не знайшла масла. Усё скончылася скандалам і апраўданнямі мясцовых чыноўнікаў, што «быў суперпопыт і не паспелі завезці новае».
Быў кур'ёз і з Колем Лукашэнкам.
«Па-мойму, у Барані (недзе там недалёка — можа, Лукашэнка ездзіў у Александрыю, і яны побач праязджалі, ці яшчэ нешта) хадзіў Мікалай непрыкаяны. Зайшоў у магазінчык. А там была адна булачка.
Зрабілі званок — «А-та-та!». Навезлі гэтых булак, хлеба… А попыту няма. І потым гэта ўсё выкінулі. Але гэта была такая істэрыка, што «Мікалай прыйшоў, а булачак няма», — згадвае Цесакова.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары