Ці вераць людзі, што Пратасевіч — агент разведкі? Вось рэакцыі ў сацсетках
Днямі Лукашэнка заявіў, што Раман Пратасевіч — даўні агент беларускай разведкі. Той, у сваю чаргу, пацвердзіў гэтыя словы. Сацсеткі ўскалыхнула абмеркаванне.
Большасць каментатараў выказваюць крайні скепсіс, лічачы гэтую заяву качкай, а прызнанне Пратасевіча вымушаным. Але невялікая колькасць спрабуе знайсці рацыянальнае тлумачэнне.
«Разведчык ніколі сябе не выдае»
Найбольш лайкаў (звыш 300) набрала заўвага:
«Ну для каго гэты цырк?!»
На другім месцы (звыш 270) меркаванне аб тым, што
«Разведка ніколі сябе не выдае».
Але з аўтарам не пагаджаюцца і спрабуюць знайсці рацыянальнае ў словах Лукашэнкі і Пратасевіча.
У турме навошта сядзеў?
На трэцім месцы (звыш 250 лайкаў) пытанне «А ў турме навошта сядзеў?»
Яму жартам адказваюць: «Вывучаў сістэму знутры», «А ў турме ён сядзеў, каб ніхто не здагадаўся»
Навошта такая заява?
Карыстальнікі высоўваюць тэорыі, навошта зроблена такая заява:
«Спрабуе апраўдаць захоп замежнага самалёта і выкраданне з яго чалавека. Дурнота»
«Гэта спецыяльна, каб і на Ціханоўскага падумалі».
Некаторыя спрабуюць жартам звязаць «агента» і «зваршчыка»
«Чаму разведчык Пратасевіч зваршчыкам працуе, рыхтуюць да новага задання?»
«А калі зваршчыкам працаваў, дык гэта ён кваліфікацыю павышаў ці гэта яго наступнае заданне было?»
«Лукашэнка і праўда — паняцці несумяшчальныя»
«Вучыўся з ім [Пратасевічам] у адной школе, быў на клас старэйшы за мяне, дык ён яшчэ школьнікам на Адміністрацыі прэзідэнта павесіў БЧБ сцяг) а гэта было ў 2011—2012 годзе. Тыя, хто асабіста Рому ведае, ніколі не павераць у гэтую казку» — даводзіць чалавек.
Істотная колькасць каментатараў лічыць, што Лукашэнка — не той чалавек, словам якога можна верыць:
«Лукашэнка і праўда — паняцці не сумяшчальныя», «Прэп**дзент», «Бацька, вядома, нядрэнны, але тут загнуў», «Лукашэнка і праўда?»
«Ну, хлусы, не надакучыла выдумляць і атрымліваць юдавы грошы…», «Лукашэнка хлусіць на хаду. Хіба можна верыць гэтаму Лукашэнку?»
Іншыя дадаюць:
«На каго гэта разлічана, на БТ-шных гледачоў?», «Ну, калі ён агент, то я мангол))))», «Ага, паехаў на новае заданне», «Поўная лухта», «Божа, якая лухта! Каму на… патрэбны гэты Пратасевіч?!»
«Канец, ён ролі мяняе: то ўцякач, то экстрэміст, здраднік радзімы і ўжо агент, вось як», «Не веру. Колькі можна хлусіць. І калі за свае словы адказваць будуць», «Рагачу не магу, ото ж мне «агент разведкі!»
«Дэменцыя»
Некаторыя бачаць у словах Лукашэнкі прыкметы праблем са здароўем. Іншыя прапануюць:
«Прэмію Дарвіна абодвум», «Я думаю, можна яшчэ сказаць, што ён Чалавек-павук».
Навошта?
Нехта даводзіць, што сваёю заявай Лукашэнка рыхтуе чарговы інфармацыйны ўкід:
«Лукаш ужо шляпу нейкую збірае»
Іншыя дзівяцца: калі гэта праўда, то навошта тады патрэбна была ўся аперацыя з пасадкай самалёта і наступным асуджэннем?
«А які сэнс тады пасадкі самалёта?»
«Выходзіць, невінаватую дзяўчыну проста так пасадзілі»
Асобныя выказваюць меркаванне: калі гэта праўда, то навошта было «выводзіць агента:
«І сядзеў ён не ў СІЗА»
Тых, хто ў гэта верыць, мізэрная колькасць:
«З Пратасевіча знялі судзімасць і выключылі са спісу экстрэмістаў. Гэта пра нешта кажа? Каго яшчэ з палітвязняў так памілавалі?! І сядзеў ён не ў СІЗА, а быў пад хатнім арыштам», — даводзіць нехта.
«Увогуле чакана. Я на 100% быў упэўнены з першых дзён», — заўважае яшчэ адзін.
«Пратасевіч скажа ўсё, што яму загадаюць»
У некаторых новыя выказванні Лукашэнкі выклікаюць занепакоенасць адносна далейшага развіцця падзей. Што яшчэ можа адбыцца ў краіне?
«Мне страшна ўявіць, што будзе гадоў праз 10, таму што калі б мне сказалі 10 гадоў таму, што будзе цяпер, я б рассмяяўся ў твар. А цяпер увогуле не да смеху».
Людзі даводзяць:
«Пратасевіч скажа ўсё, што яму загадаюць», «А як ён можа гэта адмаўляць?», «Вось цырк, ён цяпер усё што заўгодна пацвердзіць!»
Іншыя, каб паказаць абсурднасць сітуацыі, калі ў Пратасевіча няма іншага выйсця, акрамя як пацвердзіць словы дыктатара, пішуць:
«Я на ўсялякі выпадак таксама пацвярджаю ўсе словы прэзідэнта»
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары
[Зрэдагавана]