AirBaltic мяняе расклад авіярэйсаў у Віленскім аэрапорце, каб пазбегнуць праблем з метэазондамі
Латвійская авіякампанія airBaltic змяняе расклад двух рэйсаў, каб не трапляць у сітуацыі, звязаныя з закрыццём Віленскага аэрапорта праз метэазонды з Беларусі, паведамляе lrt.lt.
Самалёт Кракаў — Вільня будзе прылятаць у сталіцу Літвы а 17:40 (раней — пасля апоўначы), а Мюнхен—Вільня — а 18:55 (раней — 22:15). Змены пачнуць дзеяць з 20 лістапада.
28 кастрычніка airBaltic у каментары Delfi паведаміла, што праз часовае закрыццё аэрапорта ў Вільні праблемы былі ў 18 рэйсаў airBaltic, гэта адбілася на дзейнасці кампаніі і графіках, уключаючы злучальныя маршруты.
Кампанія адзначыла, што цесна супрацоўнічае з літоўскімі ўладамі і іншымі ведамствамі, каб справіцца з уплывам закрыцця аэрапорта на пасажыраў і дзейнасць кампаніі.
У канцы кастрычніка Віленскі аэрапорт чатыры разы за тыдзень закрываўся на некалькі гадзін праз метэазонды з Беларусі. Прычым было гэта пераважна пасля 21:30.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары