У Мінску працягваецца рэканструкцыя комплексу каталіцкага храма святога Сымона і святой Алены, вядомага як Чырвоны касцёл. Свежыя фота, як прасоўваюцца працы, выданне Katolik.life заўважыла ў адной з сацсетак.
Афіцыйнай інфармацыі пра ход рэканструкцыі няма, у парафіі таксама не было аб'яў на гэты конт.
Работы пачаліся летам і павінны завяршыцца да студзеня 2027 года. Таму вернікі пачалі зваротны адлік і спадзяюцца, што да адкрыцця храма, закрытага ўжо больш за тры гады, засталося крыху больш за адзін год.
Праўда, пакуль няма ніякай яснасці, ці ўпусцяць парафію ў Чырвоны касцёл пасля завяршэння рэканструкцыі.
Былы пробашч касцёла ксёндз Уладзіслаў Завальнюк у сваім нядаўнім відэа казаў пра тое, што расцэньвае рэканструкцыю як «пасільную дапамогу дзяржавы» каталікам, якая «шмат матэрыяльнай дапамогі надае ў рэстаўрацыі і будаўніцтве праваслаўных храмаў».
Таксама святар расказваў, што стараецца часта наведваць плошчу перад храмам, каб маліцца аб яго больш хуткім адкрыцці.
Ён адзначаў, што на рэканструкцыі Чырвонага касцёла працуюць наёмныя работнікі, мусульмане з краін Азіі, і нагадваў, што і пры будаўніцтве храма ў пачатку XX стагоддзя працавалі мусульмане — «магчыма, у падзяку за клопат Эдварда Вайніловіча [фундатара Чырвонага касцёла] перад царом, каб мусульмане мелі сваю мячэць у Мінску».
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3512
Каментары