У Бярэзінскім запаведніку амаль суткі шукалі пенсіянерку, якая заблукала ў лесе
61‑гадовая жыхарка вёскі Слабада Докшыцкага раёна амаль суткі блукала па лесе. Жанчына пайшла ў ягады ў сераду ўдзень, але да вечара не вярнулася, і сваякі звярнуліся ў міліцыю.
У пошуках удзельнічалі міліцянеры з сабакам, ратавальнікі і мясцовыя жыхары. Пошукі былі складанымі, бо давялося абследаваць тэрыторыю памерам каля 800 квадратных кіламетраў, а больш за палова гэтай плошчы — балоты. Месцазнаходжанне пенсіянеркі шукалі пешшу і з дапамогай квадракоптара.
Праз суткі жанчыну знайшлі супрацоўнікі крымінальнага вышуку і інспекцыі. Медыцынская дапамога ёй не спатрэбілася. Пенсіянерка падзякавала ўсім, хто ўдзельнічаў у яе ратаванні.
Дарэчы, падобны выпадак адбыўся тыдзень таму — у тым жа раёне знайшлі 65‑гадовую жанчыну, якая таксама заблукала ў лесе. Яе шукалі дзевяць гадзін.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм11
Каментары