Да асноўнага этапу рэканструкцыі былой Валадаркі прыступяць у наступным годзе, пачаўся дэмантаж некаторых элементаў
У Мінску адбудзецца рэканструкцыя некалькіх аб’ектаў са статусам гісторыка-культурнай каштоўнасці. Пра гэта на «Радыё-Мінск» расказала старшыня камітэта будаўніцтва і інвестыцый Мiнгарвыканкама Ірына Гонтарава.
Буйны праект, які рэалізуецца ў горадзе прадпрыемствам «Мінская спадчына», — рэканструкцыя Пішчалаўскага замка на вул. Валадарскага (былое СІЗА і турма на працягу двух стагоддзяў).
У распрацоўцы знаходзіцца праектная дакументацыя. Паводле зацверджанай канцэпцыі ў комплексе плануюцца аб’екты грамадскага харчавання, адміністрацыйныя памяшканні.
— Гэта агульнагарадскі аб’ект. Ён размешчаны недалёка ад вакзала, таму, думаю, не толькі мінчане, але і госці сталіцы з задавальненнем будуць яго наведваць, — адзначыла Гонтарава. — Ужо пачаліся дэмантажныя работы тых элементаў комплексу, якія не адносяцца да гісторыка-культурнай каштоўнасці. А ў наступным годзе прыступяць да асноўнага этапу рэканструкцыі.
Яна таксама нагадала, што зусім нядаўна ў сталіцы пасля рэканструкцыі адкрыўся ўнікальны комплекс. У былых гістарычных будынках на тэрыторыі Лошыцкага парку пачалі працаваць шэраг новых аб’ектаў: загс, кафэ і рэстараны, міні-гасцініца.
— Усе жадаючыя могуць правесці тут час, незалежна ад якіх-небудзь урачыстасцяў, — адзначыла чыноўнік. — Аб’ект атрымаўся ўнікальны. Тэрыторыя поўнасцю добраўпарадкавана, ёсць выхад да вады.
Паводле слоў Гонтаравай, у Лошыцкім парку захаваліся руіны млына і капліцы, якія ў будучыні таксама ператворацца. Распрацоўваецца канцэпцыя ўзнаўлення гэтых аб’ектаў, што таксама маюць статус гісторыка-культурнай каштоўнасці.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары
ГДЕ была тюрьма на КАСКАДЕ???? Кто помнит???? Я ее часто видел из окна электрички. И потом видел фото внутярянки от каких то любителей заброшек. Там была ИДЕАЛЬНАЯ афмосфера - прям из 40-50-60 годов... ВСЕ. Нет ничего. А рассказы о "катах" из милиции и кагэбэ наших наивных никогда НЕ впечетляли. это все фантазии и происки врагоф...
Пішчалаўскі замак - гэта беларуская Бастылыя яшчэ з часоў Расейскай Імперыі. Ніякай архітэктурнай каштоўнасці ён ня мае - гэта проста вязніца. У ягоных падвалах растрэльвалі людзей прадстаўнікі ўлады, якая сама заўсёды была запэцканай ў крыві і рэпрэсіях супраць беларусаў. Таму ён мусіць быць разбураны, а на ягоным месцы пабудаваны мемарыяльны знак альбо помнік.