У Літве расказалі, ці просяць ЗША вярнуць транзіт беларускіх угнаенняў праз Клайпеду
«Гэта наша справа».
Міністр замежных спраў Літвы Кястуціс Будрыс, які знаходзіцца з візітам у ЗША, расказаў, што з амерыканскімі афіцыйнымі асобамі не абмяркоўвалася паслабленне забароны на транзіт беларускіх угнаенняў.
«Што да транзіту ўгнаенняў, то гэта санкцыі Еўрапейскага саюза і нацыянальныя меры Літвы. Мы пра гэта не гаварылі, гэта не ўваходзіць у агульны спіс тэм для абмеркавання. Гэта нашая справа», — адзначыў кіраўнік літоўскага дыпламатычнага ведамства на тэлеканале LRT.
«ЗША, канечне, каардынуюць, інфармуюць, але робяць гэта на двухбаковай аснове. Нашы санкцыі — гэта справа Еўрапейскага саюза. Такой тэмы не было.
Былі асцярогі, што будуць вылучаныя патрабаванні і таму падобнае, у якасці ўмовы, але гэтага не было», — сказаў ён.
На гэтым тыдні Будрыс сустрэўся ў Вашынгтоне з дзяржсакратаром ЗША Марка Рубіа і спецпрадстаўніком ЗША па Беларусі Джонам Коўлам.
Па словах міністра, змякчэнне тону Вашынгтона ў дачыненні да Мінска звязана з імкненнем ЗША вызваліць палітвязняў па ўсім свеце.
«Я думаю, што калі хтосьці і можа дабіцца поспеху, то толькі яны, таму што ніхто іншы не ўзніме такое пытанне і не валодае такімі інструментамі. Амерыканцы разгарнулі глабальную кампанію па вызваленні ўсіх палітычных закладнікаў і зняволеных, яны вядуць яе ў Азіі, Афрыцы, Паўднёвай Амерыцы, а таксама ў Беларусі, яны вераць, што вынік дасягальны, і я вельмі хачу, каб гэты вынік быў дасягнуты», — заявіў Будрыс.
«Але мы, вядома, не можам дазволіць Лукашэнку адчуць смак пры дасягненні гэтага выніку, лічыць, што цяпер ён можа дазволіць сабе гібрыдныя атакі супраць сваіх суседзяў. Пра гэта мы і казалі. Гэта не можа быць цаной, і ў гэтым у нас ёсць паразуменне», — сказаў ён.
Транзіт грузаў «Беларуськалія» праз Літву ў Клайпедскі порт быў спынены 1 лютага 2022 года пасля таго, як літоўскі ўрад прыйшоў да высновы, што дагавор паміж Літоўскімі чыгункамі і «Беларуськаліем», які павінен быў дзейнічаць да канца 2023 года, не адпавядае інтарэсам бяспекі краіны.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары