Грамадства2424

Чыноўнік з Пінска стаў мемам

У інтэрнэце разляцеўся яго адказ пра свінафермы і пра страву, сугучную з украінскім словам «паляніца».

Дзмітрый Палхоўскі. Скрыншот відэа

Намеснік старшыні Пінскага райвыканкама Дзмітрый Палхоўскі 31 кастрычніка сабраў у кабінеце мясцовых блогераў і адказаў на іх пытанні. Непасрэдныя, з гумарам адказы чыноўніка разышліся па інтэрнэце і сталі мемам.

Так, у Палхоўскага спыталі, што самае смачнае трэба пакаштаваць турысту ў Пінскім раёне. 

«Рыба на блясе, таўканіца», — пералічвае чыноўнік. Апошнюю назву ён вымавіў як «товканыця».

«А гэта што такое?» — пытаюцца ў яго.

«О-о-о, гэта асобная гісторыя, даведаецеся потым, — усміхнуўся Палхоўскі і працягнуў спіс: — Каўбаса пальцам пханая абавязкова, дранікі, прычым розныя, халадзец».

@maksi.muk #1регионглазамиблогеров #пинскийрайон ♬ оригинальный звук - Татьяна Максимук

Таўканіца (ці таўчанка) — гэта тоўчаная бульба, пюрэ. Такое дыялектнае слова сустракаецца на заходнім Палессі. У некаторых гаворках страва называлася «камы».

Таксама чыноўнік расказваў пра працу свінафермаў.

«Свінка жыве прыблізна дзесьці каля паўгода, і праз паўгода мы ўжо адпраўляем яе ў апошні шлях і атрымліваем тую прадукцыю, якая карыстаецца вялікім попытам у нашага насельніцтва — то бок свініну».

Спыталі ў яго таксама, ці абмяжоўвае жонку ў карыстанні тэлефонам.

«Паспрабуй яе абмяжуй, застанешся без вячэры! Вы што!

— эмацыйна адказаў ён. — Не, канечне, як можна абмежаваць? Я лічу, што не трэба чалавека наогул абмяжоўваць у такіх рэчах, а ствараць умовы так, каб чалавек сам не захацеў лезці туды, куды не трэба».

@palvanych

Блогер Палваныч пинск пинский район новости пинска новости в пинске блогеры первого региона в Пинске

♬ оригинальный звук - ПалВаныч

Палхоўскі курыруе сацыяльныя пытанні, культуру і ідэалогію. Разам з тым, у публічных выступленнях ён хваліць інтэграцыю з Расіяй і падтрымлівае яе ў вайне.

«Сапраўдны сябра, сапраўдны брат нам, беларусам, —гэта народы Расійскай Федэрацыі.

І мы выбралі правільную палітыку на рэферэндуме ў 1995 годзе — мы прагаласавалі абсалютнай большасцю за тое, каб менавіта ў ідэалагічным, палітычным, ваенным, эканамічным плане ісці разам з нашымі брацкімі расійскімі народамі, — выступаў чыноўнік на так званым Дні адзінства народаў Беларусі і Расіі. — І мы не пралічыліся, і мы гэта бачылі ў апошнія гады, што толькі нашы браты і сёстры падставілі нам плячо.

Калі ў 2020 годзе была спроба дзяржаўнага перавароту, калі ў 2022 годзе пачаліся іншыя розныя падзеі ў Расійскай Федэрацыі, спецаперацыі, мы зразумелі, што мы павінны быць і далей разам».

Каментары24

  • Ужас
    12.11.2025
    Где их таких откармливают, на какую зарплату? Это же типаж от Гоголя!
  • Минванин
    12.11.2025
    [Рэд. выдалена]
  • даведка
    12.11.2025
    Экс-министр МВД Юрий Караев тож днями органично толкнул речь про осеменение.
    Сразу видно, что люди на своих местах и нашли своё настоящее призвание в жизни.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць15

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай29

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць