Мінская крама прадавала ёлачныя шары з пісьменнікамі. Прапагандысты ўбачылі партрэт Геніюш і наляцелі
Цяпер крама пару дзён часова не працуе.
Нядаўна «Калядная крама» ў Мінску пачала прадаваць серыю ёлачных шароў з партрэтамі беларускіх пісьменнікаў і асветнікаў. Сярод іх Васіль Быкаў, Францыск Скарына, Янка Купала, Максім Багдановіч, Уладзімір Караткевіч і іншыя. Была і Ларыса Геніюш.
Апошняя цацка і прыцягнула ўвагу прапаганды, якая змагаецца з памяццю пра Геніюш, што была ахвярай сталінскіх рэпрэсій.
Прапагандыстка БТ Ксенія Лебедзева абурылася «ёлачнымі шарамі з партрэтам нацысткі».
«Можа, мы навагоднія цацкі з выявай Гебельса пачнём прадаваць?» — напісала Лебедзева.
Наляцелі і іншыя, напрыклад Рыгор Азаронак.
У выніку шар з паэткай знялі з продажу. А сама крама абвясціла ў сацсетках, што 16 і 17 лістапада часова не працуе «праз тэхнічныя прычыны».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары