Моды66

Мінскія студэнты пашылі калекцыю строяў у духу Радзівілаў

Студэнты сталічнага каледжа індустрыі моды вырашылі адрадзіць культуру беларускага нацыянальнага касцюма. У прыватнасці — багатую спадчыну шляхецкай моды.

Пра калекцыю піша агенцтва «Мінск-Навіны».

Ідэйны натхняльнік праекту — Наталля Войнава, выкладчыца спецпрадметаў і кіраўніца аб'яднання паводле інтарэсаў «Мода і стыль». Яна тлумачыць, што ўзоры эскізаў і прынцыпы працы з гістарычнымі ўборамі каманда брала з навучальных курсаў каледжа.

«У нас ёсць прадмет «Гісторыя стыляў у мастацтве і касцюме», на якім навучэнцы дасканала вывучаюць асаблівасці кампазіцыі ў тым ліку шляхецка-магнацкай моды, — расказвае Наталля. — На сармацкіх партрэтах адлюстравана, як апраналіся нашы продкі».

Калекцыя ўбораў беларускай шляхты стала другой. Першая экспазіцыя прысвечаная народнаму вяселлю.

«Мы хацелі паказаць, што ў XV—XVII стагоддзях у нас была не толькі сялянская, але і яркая арыстакратычная мода», — кажа выкладчыца.

Вобраз Барбары Радзівіл дэманструе запазычанне нямецкай моды, творча пераасэнсаванай беларускімі майстрамі. Убор «Бона Сфорца» адпавядае іспанскай модзе: тугі плісіраваны каўнер гаргеры і каркасная спадніца верцюгадэн. Мужчынскія касцюмы — кунтушы і жупаны — найбліжэйшыя да таго, што насіла заможная беларуская шляхта. Галоўны элемент — слуцкія паясы.

Аляксандра Шыла, навучэнка 4‑га курса каледжа, удзельнічала ў стварэнні касцюма Барбары Радзівіл.

«Патрабавалася дамагчыся візуальнага падабенства з яе сукенкай на партрэце. Многае рабілі ўручную: вышыўка, фармаванне складак для аб'ёму. Былі і няўдачы: канструкцыя не супадала з выявай. Але мы не імкнуліся да абсалютнай копіі, а хацелі перадаць дух эпохі», — расказвае студэнтка.

«Нашы строі каштуюць ад 630 да 800 рублёў — гэта ў 10 разоў ніжэй за рыначны кошт на падобныя гістарычныя рэканструкцыі. Аднак гэта не масавы тавар — такое адзенне прызначанае не для шараговых пакупнікоў, а для ўстановаў культуры», — расказвае аўтарка праекту і супрацоўніца каледжа Настасся Пазднякова.

Касцюмы з калекцыі беларускай шляхты ўжо паспелі пабываць на сталічных выставах да Дня горада. Гэты праект перамог на гарадскім конкурсе «Мінская змена» ў намінацыі «Найлепшы праект у сферы культуры і мастацтва».

Каментары6

  • Ганка
    16.11.2025
    У панядзельнік дайдзёт да Бондаравай!
  • Новую моду - у дзяржаўныя крамы!
    16.11.2025
    Дзякуй вялікі! Вось што трэба ў крамах прадаваць. А то толькі сялянскія касцюмы трапляюцца. Трэба і шляхецка-магнацкія!
    Я нават згодзен, каб чыноўнікі-ябацькі ў такіх касцюмах на мерапрыемствах святы адкрывалі і лентачкі пераразалі.
  • Тьху,противно
    17.11.2025
    Кому это надо?.. полностью под россией,а туда же - шляхту видите ли захотелось взлохматить.

Цяпер чытаюць

«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»35

«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»

Усе навіны →
Усе навіны

Віталь Пінчук закінуў дэбютную шайбу ў НХЛ2

Кушнер раскрыў, пра што ЗША хочуць дамовіцца з Украінай і Расіяй у Абу-Дабі

Перамога дэмакратаў у ЗША напалохала інвестараў у ШІ. Фірмы на біржы Nasdaq страцілі 2,5 трыльёна, кампаніі Маска — 300 мільярдаў9

Доўгачаканае аднаўленне сядзібы паплечніка Касцюшкі ў Відзах-Лаўчынскіх абярнулася заменай драўляных сцен на керамзітабетон2

Трамп анансаваў маштабнае пагадненне, якое закране ўсю Еўропу8

Забарона на цукеркі можа прывесці да пераядання ў дзяцей. Што рабіць бацькам?4

Пасля аварыі на матацыкле звычайны школьны настаўнік стаў музычным геніем. Што здарылася з ягоным мозгам?5

Малдова можа ўвесці для беларусаў візы1

У канцы лістапада над Беларуссю ўзыдзе Бабровы Месяц

больш чытаных навін
больш лайканых навін

«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»35

«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»

Галоўнае
Усе навіны →

Заўвага:

 

 

 

 

Закрыць Паведаміць